نئی دہلی : (یواین آئی) گزشتہ 16 سال سے ریال میڈرڈ کو کئی یادگار جیت دلانے والے مشہور کھلاڑی سرجیو روموس اب اس فٹ بال کلب کو الوداع کہہ دیں گے۔ کلب نے آج اس کی اطلاع دی۔ حالانکہ روموس کو کوئی نیا کانٹریکٹ نہیں مل سکا ہے۔
ریال میڈرڈ نے جمعرات کے روز ایک پریس کانفرنس کے ذریعہ کپتان روموس کو ودائی دینے کا اعلان کیا۔ 35 سالہ کھلاڑی کو فی الحال اور کوئی کانٹریکٹ نہیں ملا ہے ۔ گزشتہ سیزن میں وہ چوٹ کی وجہ سے بیشتر میچوں سے باہر رہے اور یورو چیمپئن میں اسپین کی ٹیم میں شامل نہیں کئے گئے ۔ وہ یورو 2008 , عالمی کپ 2010 اور یورو2012 جیتنے والی اسپین کی ٹیم کا حصہ تھے۔ حال ہی میں کلب کے سابق عظیم کھلاڑی زین الدین زیدان نے بھی اپنے عہدے سے استعفیٰ دے دیا تھا ۔ وہ سال 2019 سے ٹیم سے جڑے ہوئے تھے ۔ زیدان کی قیادت میں ٹیم نے 2016 سے 2018 تک مسلسل تین سال چیمپئن لیگ پر قبضہ کیا تھا۔
