ممبئی: بیرونی ممالک سے موصول مثبت اشاروں کے درمیان بینکنگ اور مالیاتی شعبے کی کمپنیوں میں خریداری سےجمعرات کے روز گھریلو شیئر بازاروں مین شروعاتی کاروبار میں زبردست تیزی دیکھی گئی۔بی ایس ای کا 30 شیئروں والا سینسری انڈیکس سینسیکس 222.58 پوائنٹ کی تیزی کے ساتھ 31827.80 پوائنٹ پر کھلا اور پہلے گھنٹے مین ہی 32 ہزار پوائٹ کے نفسیاتی سطح کو پار کرکے 32032.99 پوائنٹ پر پہنچ گیا۔ نیشنل اسٹاک ایکسچنج کا نفٹی بھی 50 پوائنٹ کے اضافے کے ستھ 9364.95 پوائنٹ پر کھلا اور 9437.40 پوائنٹ تک چڑھ گیا۔
چوطرفہ خریداری کے درمیان درمیانی اورچھوٹی کمپنیوں میں بھی تیزی رہی۔ بی ایس ای کامڈ کیپ اوراسمال کیپ ایک فیصد سے زیادہ کی تیزی میں رہے۔لگاتار دوسرے دن بینکنگ اور مالیاتی کمینوٰن میں خریداری سے بازار کو حمایت ملی۔ انڈس انڈ بینک کے شیئر تقریباً 10 فیصد چڑھ گئے۔ ریلائنس انڈسٹری، ایل این ڈی ٹی اور ماروتی سوزوکی نے بھی بازار میں برتری میں تعاون دیا۔ آئی ٹی اور ٹیک سیکٹر کی کمپنیوں میں کمی دیکھی گئی۔تادم تحری سینسیکس 381.91 پوائنٹ یعنی 1.21 فیصد کی مضبوطی کے ساتھ 31987.13 پوائنٹ پر اور نفٹی 113.95 پوائنٹ یعنی 1.22 فیصد برتری میں 9428.90 پوائنٹ پر تھا۔
