سپریم کورٹ نے سوشل میڈیا پر قابل اعتراض مواد شائع کرنے کے رجحان کو روکنے کے لئے آن لائن پروفائل کی توثیق کا سسٹم تیار کرنے کی ہدایت دینے سے متعلق ایک درخواست پر منگل کے روز مرکزی حکومت کو نوٹس جاری کیا ۔
چیف جسٹس شرد اروند بوبڑے کی سربراہی میں تین رکنی بنچ نے پونے کی بھارتیہ ودیاپیٹھ ڈیمڈ یونیورسٹی کے قانون کے دو طلبہ اسکند باجپئی اور ابھیودیہ مشرا کی درخواست کی سماعت کرتے ہوئے مرکزی حکومت سے جواب طلب کیا۔
طلبہ کی جانب سے دائر درخواست میں تمام آن لائن پروفائل کی تصدیق کرنے کا مطالبہ کیا گیا ہے ، تاکہ غیر قانونی اور غلط پوسٹ کو روکا جاسکے۔ درخواست گزاروں نے عدالت سے فحش مواد کے کاروبار میں ملوث اکاؤنٹ ہولڈروں کے خلاف براہ راست کارروائی کرنے کی ہدایت دینے کی بھی درخواست کی۔
درخواست گزاروں کا کہنا ہے کہ ایسے لوگ جھوٹے پروفائل کے ذریعے فحش مواد شائع کرتے ہیں ، اتناہی نہيں ، وہ اس کے ذریعہ بینک فراڈ بھی کرتے ہیں۔
