ماسکو: روس کے وزیر خارجہ سرگئی لاوروف نے ہفتہ کو کہا کہ روس غزہ پٹی میں امن قائم کرنے کے لیے اسرائیل کے ساتھ رابطے میں ہے۔
لاوروف نے بیلاروسی نیوز ایجنسی بیلٹا کو انٹرویو دیتے ہوئے کہا کہ ہم اسرائیلیوں کو ایک اشارہ بھیج رہے ہیں۔ ہم ان کے ساتھ مکمل رابطے میں ہیں۔ ہمارے سفیر ان کے ساتھ باقاعدگی سے بات چیت کر رہے ہیں۔ ہم پرامن حل کی ضرورت کے بارے میں اشارہ بھیج رہے ہیں۔
انہوں نے کہا کہ غزہ پٹی کو اس کی زیادہ تر شہری آبادی سمیت تباہ کیے بغیر فلسطینی گروپ حماس کا خاتمہ ناممکن ہے۔ انہوں نے غزہ کی آبادی کو پانی، خوراک اور بجلی فراہم کرنے کے لیے انسانی بنیادوں پر پروگرام شروع کرنے کی اہمیت پر زور دیا۔
مزید پڑھیں: حماس کو ایسے ختم کرنے کا ارادہ ہے جیسے دنیا نے نازیوں اور داعش کو کیا: اسرائیل
اس کے ساتھ ان کا کہنا تھا کہ روس اس بات کو یقینی بنانا چاہتا ہے کہ ایشیائی خطے کو روس اور چین کے لیے خطرہ بننے کے لیے ‘اسپرنگ بورڈ’ کے طور پر استعمال نہ کیا جائے، جیسا کہ یوکرین کا معاملہ تھا۔
(یو این آئی)
