بالی ووڈ اداکارہ رانی مکھرجی نے ’رکھ تو حوصلہ‘ نغمہ کے ذریعہ ممبئی پولیس کو سلام کیا ہے۔
رانی کو کورونا وبا کے درمیان پرسکون رہنے کی اپیل کرنے کے لئے ممبئی پولیس فاؤنڈیشن کی جانب سے ایک نیک پہل میں شامل کیا گیا ہے۔
رانی مکھرجی نے ایک نئے گانے 'رکھ تو حوصلہ' کے ذریعہ ممبئی پولیس کے جذبے کو سلام پیش کیا ہے اور کہا ہے کہ ان کی بہادری ، قربانی اور خدمات کو آنے والے کئی سالوں تک یاد رکھا جائے گا۔
رانی نے اس نغمہ کی ویڈیو میں ایک زبردست پیغام دیا ہے۔ رانی مکھرجی نے کہا ’’دنیا کورونا وائرس کے خلاف اپنی سب سے بڑی جنگ لڑ رہی ہے۔
اس مشکل لمحے میں جو لوگ اس آفت کا بہادری سے مقابلہ کر رہے ہیں وہ محکمہ صحت کے اہلکار ، بہادر جوان ، پولیس فورس جیسے فرنٹ لائن ورکرز ہیں جو ہمیں تحفظ فراہم کرنے کے پیش نظر اپنی زندگیوں کو خطرے میں ڈال رہے ہیں۔
رانی مکھرجی نے کہا ’’میں ممبئی پولیس فاؤنڈیشن اور ان کے اہل خانہ کو ان کی ہمت اور قربانی کے لئے تہہ دل سے شکریہ ادا کرتی ہوں جس کا انھوں نے اس غیر معمولی وقت کے مظاہرہ کیا ہے۔ ان کی بہادری ، قربانی اور خدمت کو آنے والے کئی سالوں تک یاد رکھا جائے گا‘‘۔
