نئی دہلی:صدر جمہوریہ ہند رام ناتھ کووند نے رحم کی درخواست خارج کردی ہے۔ نربھیا معاملے کے ایک قصوروار مکیش سنگھ نے رحم کی درخواست دی تھی،جسے صدرجمہوریہ نے جمعہ کے روز خارج کردیا ہے۔ قبل ازیں وزارت داخلہ نے رحم کی عرضی کو خارج کرنے سے متعلق سفارش صدر کو بھیجی تھی۔ ونے شرما، اکشے کمار سنگھ، پون گپتا اور مکیش سنگھ کو دسمبر 2012 میں نربھیا کی اجتماعی آبرو ریزی معاملے میں پھانسی کی سزا سنائی گئی ہے، اور انہیں 22 جنوری کو تہاڑ جیل میں پھانسی دینے کا حکم دیا گیا تھا۔ استغاثہ نے اس معاملے پر بدھ کے روز دلی ہائی کورٹ میں سماعت کے دوران کہا تھا کہ قصورواروں کو 22 جنوری کو پھانسی نہیں دی جاسکتی، کیونکہ اس معاملے کے ایک قصوروار کی رحم کی عرضی پر کوئی فیصلہ نہیں لیا گیا ہے۔ اب صدر نے مکیش کی رحم کی عرضی کو خارج کردیا ہے۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
