نئی دہلی: کانگریس لیڈرراہل گاندھی اورآل انڈیا کانگریس کمیٹی کے خزانچی احمد پٹیل نے گجرات کے سینئر کانگریسی لیڈر اور اجمیر کی خواجہ
معین الدین چشتی درگاہ کے ٹرسٹی بدرالدین شیخ کے انتقال پر گہرے رنج و غم کا اظہار کیا ہے۔ شیخ کا کورونا وائرس سے اتوار کی شب انتقال ہو گیا تھا۔ راہل گاندھی نے بدرالدین شیخ کے انتقال پر افسوس کا اظہار کرتے ہوئے کہا’کورونا وائرس کے انفیکشن کی وجہ سے احمد آباد میونسپل کارپوریشن میں کانگریس
كارپوریٹر بدرالدین شیخ کے انتقال پر دکھ ہوا۔ میں دکھ کی اس گھڑی میں ان کے خاندان اور ان کے حامیوں کے تئیں تعزیت کا اظہار کرتا ہوں‘۔
احمد پٹیل نے کہا’میں اپنے ساتھی بدرالدین بھائی کے ناگہانی انتقال سےغمزدہ ہوں، ایک وفادار کانگریسی کارکن کے طور پر انہوں نے ہمیشہ معاشرے کی فلاح و
بہبود کو آگے رکھا۔ یہ احمد آباد اور پورے گجرات کے لئے زبردست نقصان ہے۔ ان کے خاندان اور بہی خواہوں کے تئیں میری تعزیت‘۔
