وزیر داخلہ امت شاہ نے مہاراشٹر کے وزیر اعلی ادھو ٹھاکرے کو فون کیا اور باندرا میں مہاجروں کے جمع ہونے پر تشویش کا اظہار کیا۔ وزیر داخلہ نے کہا کہ اس طرح کے واقعات سے کورونا وائرس کے خلاف ہندوستان کی لڑائی کمزور ہوتی ہے اور انتظامیہ کو ایسے واقعات سے بچنے کے لئے چوکنا رہنا ہوگا۔ انہوں نے کہا کہ مہاراشٹرا حکومت کو میرا پورا ساتھ حاصل ہے۔غور طلب ہے کہ ملک میں جاری لاک ڈاؤن کے درمیان منگل کے روز ہزاروں تارکین وطن مزدور گھر جانے کی آس میں باندرا (ممبئی) میں جمع ہوئے تھے۔ اس کے بعد پولیس نے بھیڑ کو منتشر کرنے کے لئے لاٹھی چارج کی۔ ان کارکنوں کا مطالبہ تھا کہ انہیں واپس اپنے گھر بھیج دیا جائے۔ اس کے بارے میں مہاراشٹرا حکومت کے وزیر اور وزیر اعلی ادھو ٹھاکرے کے بیٹے آدتیہ ٹھاکرے نے مرکزی حکومت پر نشانہ سادھا ہے۔ آدتیہ ٹھاکرے نے اس کے لئے مرکزی حکومت کو ذمہ دار ٹھہرایا۔
آدتیہ ٹھاکرے نے ٹویٹ کیا کہ ، 'باندرا اسٹیشن کی موجودہ حالات، یہاں تک کہ سورت میں فساد بھی ہو رہا ہے،یہ مرکزی حکومت مہاجر کارکنوں کو وطن واپس جانے کا بندوبست کرنے کے قابل نہ ہونے کا نتیجہ ہے۔ وہ کھانا یا پناہ گاہ نہیں چاہتے ہیں ، وہ اپنے گھر واپس جانا چاہتے ہیں۔
