نئی دہلی: پارلیمنٹ پر حملے کی برسی کے موقع پر پارلیمنٹ کی سیکورٹی میں بڑی کوتاہی دیکھنے میں آئی ہے۔ دراصل، بدھ کے روز دوپہر ایک بجے کے قریب دو لوگ لوک سبھا میں سامعین گیلری سے ایوان کے اندر داخل ہوئے اور پیلی گیس چھڑکنے لگے۔ اس کے بعد ان میں سے ایک لوگ لوک سبھا اسپیکر کی کرسی کی طرف بھاگنے لگے۔ ان ملزمان کے ایوان میں داخل ہونے کے بعد وہاں موجود اراکین پارلیمنٹ نے ہمت کا مظاہرہ کرتے ہوئے دونوں ملزمان کو ایوان کے اندر ہی پکڑ لیا۔
اس واقعہ کے بارے میں چیئرمین اوم برلا نے کہا کہ واقعہ کی تحقیقات کی جارہی ہیں۔ دونوں ملزمان کو گرفتار کر کے ان کے قبضے سے ہر قسم کا مواد برآمد کر لیا گیا ہے۔ اس کے ساتھ ہی پارلیمنٹ کے باہر نعرے لگانے والی ایک خاتون اور ایک مرد کو بھی پولیس نے حراست میں لے لیا ہے۔
#ParliamentAttack ;Name of the people involved in Parliament attack today —
Identified as :
Neelam Kaur (42)
Amol Shinde (25).According to DCP, New Delhi attackers attacked with color smoke detained by Local Police in front of Transport Bhawan. pic.twitter.com/rdrpkiY2S5
— Kanwaljit Arora (@mekarora) December 13, 2023
تاہم، بعد میں ان چاروں ملزمان کو گرفتار کر لیا گیا ہے۔
اس واقعے کے بعد ویونگ گیلری کو اگلے احکامات تک بند کر دیا گیا ہے۔ دراصل دونوں نوجوانوں نے اس واردات کو سامعین گیلری کے ذریعے ہی انجام دیا۔
معلوم ہوکہ ملزم نے گیلری کے اندر فلورسنٹ گیس کا چھڑکاؤ بھی کیا۔ حملہ کرنے والے دو مختلف گروپوں میں آئے تھے۔ ایک گروپ پارلیمنٹ کے اندر چلا گیا جبکہ دوسرا گروپ پارلیمنٹ کی عمارت کے باہر رہا۔ دہلی پولیس نے باہر موجود ملزم کو پکڑ لیا ہے، جب کہ اندر داخل ہونے والا شخص پارلیمنٹ ہاؤس کے اندر ہی پکڑا گیا ہے۔ پارلیمنٹ کے اندر پکڑے گئے دو لوگوں میں سے ایک ساگر شرما اور دوسرا منورنجن ڈی ہے، دونوں کا تعلق کرناٹک سے ہے۔
مزید پڑھیں: آج ہندوستان کی خارجہ پالیسی پر بہت سے سوالات اٹھ رہے ہیں: ادھیررنجن
یہ بھی پڑھیں: دہلی ہائی کورٹ نے خارج کی عمر عبداللہ کی طلاق کی عرضی
اس دوران کانگریس کے رکن پارلیمنٹ کارتی چدمبرم نے کہا کہ اچانک تقریباً 20 سال کی عمر کے دو نوجوان سامعین کی گیلری سے ایوان میں داخل ہوئے اور ان کے ہاتھوں میں ٹین کے ڈبے تھے، جن سے پیلا دھواں نکل رہا تھا۔ ان میں سے ایک اسپیکر کی کرسی کی طرف بھاگنے کی کوشش کر رہا تھا۔ انہوں نے نعرے لگائے۔ یہ دھواں زہریلا ہو سکتا ہے۔ یہ پارلیمنٹ حملے کی برسی کے موقع پر سیکورٹی کی سنگین خلاف ورزی ہے۔
