برلن:جرمنی کی چانسلر انجیلا مرکل نے بدلتے ہوئے عالمی چیلنجوں کو مدنظررکھتے ہوئے اقوام متحدہ کی سلامتی کونسل(یو این ایس سی)میں تبدیلی کا مطالبہ کیا ہے۔
محترمہ انجیلا نے اقوام متحدہ کی جنرل اسمبلی کے 75 ویں اجلاس سے خطاب کرتے ہوئے کہا’’اقوام متحدہ کو اکیسویں صدی کے چیلنجوں کا
مقابلہ کرنے کے لئے اسی کے مطابق تبدیلیاں کرنے کی ضرورت ہے۔‘‘انہوں نے زور دے کر کہا کہ انفرادی رکن ملک اقوام متحدہ کے صحیح
کام کے دوران پریشانی کا سبب بن سکتے ہیں۔
چانسلر مرکل نے کہا ’’ہم ایک دوسرے کے دکھ سکھ میں شریک ہیں اوراسی طرح ہم دوسرے کی پریشانیوں کے بھی ساتھ ہیں۔ ہم ایک ہی دنیا
ہیں۔‘‘انہوں نے اس دوران جرمنی کے دعویٰ کو بھی پیش کیا اور کہا کہ جرمنی سلامتی کونسل میں کوئی بھی ذمہ داری اٹھانے کے لئے تیار ہے۔
قابل ذکر ہے کہ جرمنی ،بیلجیم ،ڈومینیکن ریپبلک ،ایسٹونیہ ،انڈونیشیا ،نائجر ،جنوبی افریقہ ،تیونس ،ویتنام اورسینٹ ونسنٹ اور گریناڈائنس اس وقت
یو این ایس سی کے غیر مستقل رکن ملک ہیں جب کہ روس ،چین ،فرانس ،امریکہ اور برطانیہ اس کے مستقل ممبرہیں۔
