ممبئی: بالی ووڈ کی مشہور موسیقار جوڑی ساجد ۔ واجد کے واجد خان کے انتقال پر بالی وڈ فنکاروں نے دکھ کا اظہار کیا ہے۔
موسیقار سلیم ۔ سلیمان کے سلیم مرچنٹ نے ٹوئیٹ کیا ’ساجد۔ واجد فیم کے میرے بھائی واجد کے انتقال کی خبر سے بہت دکھ ہوا۔ اللہ کنبہ کو طاقت دے۔ آپ بہت
جلدی چلے گئے یہ ہماری برادری کے لئے ایک بڑا نقصان ہے۔ میں حیران ہوں اور ٹوٹ گیا ہوں‘۔
اداکارہ پرینکا چوپڑا نے واجد خان کے انتقال پر تعزیت کرتے ہوئے ٹویٹ کیا ہے’بہت بری خبر، ایک بات جو مجھے ہمیشہ یاد رہے گی وہ ہے واجد بھائی کی ہنسی
ہمیشہ مسکراتا، بہت جلد چلے گئے۔ ان کے کنبہ اور سوگوار لوگوں کے تیئں میری تعزیت۔ تمہاری روح کوسکون ملے میرے دوست۔ تم میرے خیال اور دعاؤں میں
ہو‘۔
پریتی زنٹا نے لکھا’میں انہیں دوسری ماں کا بھائی کہتی تھی۔ ناقابل یقین حد تک باصلاحیت ہونے کے علاوہ وہ بہت ہی نرم مزاج اور شیریں تھے۔ میں اتنی غمزدہ
ہوں کہ میں عزیز واجد کو الوداع بھی نہیں بول سکی۔ میں ہمارے ساتھ کے سیشن ہمیشہ یاد رکھوں گی‘۔
گلوکارہ ہرش دیپ کور بھی انکے انتقال سے بہت غمزدہ ہیں۔ انہوں نے لکھا ’واجدخان کے کنبہ کے تیئں میری تعزیت۔ ابھی بھی یقین نہیں ہورہا کہ وہ اس دنیا میں
نہیں رہے۔ ہمیشہ انہیں مسکراتے اور لطف اندوز ہوتے ہوئے دیکھا۔ موسیقی کی دنیاکو بڑانقصان‘۔
اداکار ورون دھون ٹوئیٹ کرتے ہوئے لکھا’واجد خان بھائی میرے اور میرے کنبہ کے بہت قریبی تھے۔ وہ آس پاس رہنے والے مثبت لوگوں میں سے ایک تھے۔ ہم
آپ کو یاد کریں گے واجد بھائی۔ موسیقی کے لئے شکریہ‘۔
گلوکار میکا سنگھ نے اپنے انسٹاگرام اکاؤنٹ پر ایک پوسٹ لکھا’ہم سبھی کے لئے انتہائی افسوسناک خبر ۔ انتہائی باصلاحیت گلوکار اور موسیقار جنہوں نے اتنے ہٹ
دیئے ہیں۔ میرے بڑے بھائی واجد خان ہمیں چھوڑ کرچلے گئے۔ اللہ ان کی روح کو سکون دے‘۔
امیتابھ بچن نے ٹویٹ کیا’واجد خان کے انتقال سے حیران ہوں۔ ایک روشن مسکراتا ٹیلنٹ گزر گیا۔ ان کے لئے دعا اور تعزیت‘۔
ساجد۔ واجد نے سلمان خان کی متعدد سپر ہٹ فلموں کے لئے موسیقی دی۔ واجد کی موت پر سلمان کافی غمزدہ ہیں۔ سلمان نے ٹویٹ کیا ’واجد تمہیں مس کروں گا۔ لو
یواور تمہاری روح کو سکون ملے‘۔
اکشے کمار نے ٹویٹ کیا’واجد خان کے اچانک انتقال کی خبر سن کر حیران اور غمگین ہوں۔ باصلاحیت اور ہمیشہ مسکراتے تھے ، بہت جلدی چلے گئے۔ خدا اس
مشکل وقت میں ان کے کنبہ کو ہمت دے‘۔
کرن جوہر نے واجد کے انتقال پر تعزیت کرتے ہوئے لکھا’رپ ، واجد خان آپ کی موسیقی ہمیشہ زندہ رہے گی … کنبہ اور سوگواروں کے تیئں گہری تعزیت ….
بہت جلد چلے گئے‘‘۔
فرح خان نے لکھا ’بہت جلد ہی واجد خان چلے گئے۔ ہم موسیقی کے لئے یو واجد بھائی کو یاد کریں گے انکے گھر والوں سے تعزیت‘‘۔
گلوکار کمپوزر عدنان سامی نے واجد کو یاد کرتے ہوئے لکھا ’میں صدمے سے دوچار ہوں۔ میں نے ایک پیارا بھائی کھو دیا۔ اس افسوسناک خبر سے باہر نہیں نکل
پارہا۔ وہ ایک خوبصورت روح کے شخص تھے۔ اللہ انہیں جنت الفردوس سے نوازے، آمین‘‘۔
وشال دادلانی نے لکھا’ساجد اور واجد دونوں کافی قریب اور دوست رہے ہیں۔ اسٹوڈیو میں ہم لوگ رات میں ملتے اور ہنستے تھے جس سے روشنی بھر جاتی تھی۔
یقین نہیں ہورہا کہ واجد سے پھر بات نہیں ہوگی۔ یقین نہیں ہو رہا ، ہم پھر نہیں ملیں گے ، بات نہیں کریں گے اور نہیں ہنسیں گے‘۔
