نیشنل انسٹی ٹیوٹ آف اوپن اسکولنگ (این آئی او ایس) کی جانب سے دسویں اور بارہویں بورڈ کے امتحان کےلئے ڈیٹ شیٹ(تاریخوں) کا اعلان کردیا گیا ہے۔
انسانی وسائل کی ترقی کے مرکزی وزیر ڈاکٹر رمیش پوکھریال نشنک نے ٹویٹ کرتے ہوئے یہ اطلاع دی۔انہوں نے ٹویٹ کیا کہ یہ امتحانات 17 جولائی سے شروع ہوں گے اور 13 اگست تک چلیں گے۔اس دوران بارہویں کے 41 پیپر اور دسویں کے 46 پیپر ہوں گے۔امتحان دوپہر 2:30 بجے سے 5:30 ہوگا۔صرف دسویں کے ہندوستانی میوزک کا پیپر ڈھائی بجے سے ساڑھے چار بجے تک ہوگا۔
انہوں نے بتایا کہ سی بی ایس ای کے بورڈ کے امتحان کےلئے سویم پورٹل پر پیر سے لیکچر شروع ہوں گے۔پیر کو یوگ اور ڈانس کی کلاس ہوں گی۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
