ممبئی: سدابہار اداکار اور زندہ دل شخصیت کے مالک ریشی کپور کی جمعرات کو آخری رسومات ادا ہوگئیں۔
67سالہ اداکار نے ایچ این ریلائنس اسپتال میں جمعرات کی صبح 8.45 بجے آخری سانس لی۔ سانس لینے میں تکلیف ہونے پر دو سال سے کینسر سے جنگ لر رہے
ریشی کپور کو بدھ کو اسپتال میں داخل کرایا گیاتھا۔
ممبئی میں واقع چندن واڑی شمشان گھاٹ الیکٹرک کریمیٹوریم میں ان کی آخری رسومات ادا کی گئیں۔ اس سے پہلے ایمبولینس میں ان کے جسد خاکی کو شمشان گھاٹ
لایاگیا۔ شمشان گھاٹ پر سکیورٹی انتظامات کے لئے بڑی تعداد میں پولیس تعینات تھی۔
اس موقع پر ان کی اہلیہ اداکارہ نیتو سنگھ ،بیٹا رنبیر کپور،بھائی رندھیر کپور،راجیو کپور،ابھیشیک بچن،بھتیجی کرشمہ کپور،کرینہ کپور خان ،سیف علی خان،عالیہ
بھٹ،انل امبانی کےعلاوہ خاندان کے دیگر رکن اور بےحد قریبی ہی موجود تھے۔
ریشی کپور کے انتقال کے وقت ان کی بیٹی ریدھیما دہلی میں تھی،لاک ڈاؤن کی وجہ سے فضائی خدمات بند ہیں اور دہلی پولیس کے آمدورفت پاس جاری کئے جانے کے
بعد بھی ریدھیما اپنے والد کی آخری رسومات میں شامل ہونے ممبئی نہیں پہنچ سکیں۔
کورونا وائرس کی وجہ سے مکمل لاک ڈاؤن ہونے سے ہدایات کےمطابق صرف 20 لوگوں کو ہی ایسے وقت میں موجود رہنے کی اجازت ہے۔
اس سے پہلے اسپتال سے سیدھے ریشی کپور کے جسد خاکی کو چندن واڑی شمشام گھاٹ لایا گیا۔
ممبئی پولیس نے مکمل لاک ڈاؤن کے پیش نظر ریشی کپور کے خاندان سے آنجہانی اداکار کے جسد خاکی کو گھر نہ لے جانے کی اپیل کی تھی۔
