جے پور: راجستھان کے وزیر اعلی اشوک گہلوت نے میواڑ کے سپوت اور ویر شرومنی مہارانا پرتاپ کے یوم پیدائش پر انہیں سلام
کیا ہے۔
اس موقع پر سی ایم گہلوت نے کہا کہ ایثار و قربانی اور آزادی کے دیوانے پرتاپ کی زندگی بہادری، شجاعت اور جدوجہد کی علامت ہے۔ مہارانا پرتاپ
کی عزت نفس، ہمت اور قربانی کا پیغام ہم سب کے لئے باعث ترغیب ہے۔
اس موقع پر نائب وزیر اعلی سچن پائلٹ نے بھی انہیں سلام کیا۔ انہوں نے کہا کہ وطن کی حفاظت کے لئے اپنا سب کچھ قربان کرنے والے، راجستھان کی
آن بان اور شان کی علامت اور راجستھان کے فخر، ویر شرومنی مہارانا پرتاپ کی قربانی، ایثار اور جدوجہد ہم سب کے لئے باعث ترغیب ہے۔
بی جے پی کی نائب صدر اور سابق وزیر اعلی وسندھرا راجے نے بھی جرات اور خود کو وقف کرنے کی علامت، میواڑ کے تاج،
ویر شرومنی مہارانا پرتاپ کے یوم پیدائش پر انہیں سلام کیا۔
انہوں نے اپیل کرتے ہوئے کہا کہ مہارانا پرتاپ کی جدو جہد اور خوداری والی زندگی سے سبق حاصل کرنا اور عوام کی خدمت کا عزم لے کر نئے
ہندوستان کی تعمیر میں شراکت داری کرنا چاہیے۔
بی جے پی کے ریاستی صدر ڈاکٹر ستیش پونیا نے بھی مہارانا پرتاپ کو سلام کیا۔ انہوں نے کہا کہ بے مثال جرات اور خوداری کی علامت ویر شرومنی
مہارانا پرتاپ نے وطن کی حفاظت کے لئے اپنی زندگی قربان کر دی۔
