نئی دہلی:وزیراعظم نریندرمودی نے ووٹروں کے قومی دن کے موقع پر عوام کو ہفتے کو مبارکباد دی۔ پی ایم مودی نے ٹویٹ کیا،’ہمارے انتخابی عمل کو آسان بنانے کےلئے ہم الیکشن کمیشن کے تئیں شکرگزار ہیں۔‘انہوں نے ایک دیگر ٹویٹ میں لکھا،’یہ دن ہمیں ووٹرکی بیداری اور ووٹوں کی فیصد کو بڑھانے کی سمت میں کام کرنے کے لئے تحریک دیتا ہے،جس سے ہماری جمہوریت مضبوط ہوتی ہے۔‘واضح رہے کہ نوجوان ووٹروں کی حصہ داری کو سیاسی عمل میں بڑھانے کےلئے مرکزی حکومت نے سال 2011 سے ہر 25جنوری کو ووٹروں کے قومی دن کے طورپر منائے جانے اور الیکشن کمیشن کے یوم تاسیس کے طورپر منانے کا فیصلہ کیاتھا۔
اس سال ووٹروں کے قومی دن کا موضوع ’مضبوط جمہوریت کےلئے انتخابی خواندگی‘ہے۔ اس موضوع کو انتخابی عمل میں ووٹروں کی تعلیم اور شہریت کے یقین کی جدید کاری پر توجہ مرکوز کرنے کے لئے اس سال بھر کی سرگرمیوں کےبعد تیار کیاگیاہے۔
