ممبئی، (یو این آئی): ممبئی کی خصوصی این آئی اے عدالت نے آج مہاراشٹرا کے پاورلوم شہر مالیگاوں میں 2008 میں ہوئے بم دھماکوں کے تمام سات ملزمین کو باعزت بری کئے جانے کا فیصلہ صادر کیا۔ بری کیے جانے والوں میں بی جے پی کی سابق رکن پارلیمنٹ سادھوی پرگیا سنگھ ٹھاکر ، ہندوستانی فوج کے سابق افسر کرنل پروہت سمیت دیگر ملزمان شامل ہیں۔
سترہ برسوں بعد خصوصی این آئی اے عدالت کے جج اے کے لاہوٹی آج عدالت میں اپنا حتمی فیصلہ ظاہر کرتے ہوئے کہا کہ شک کی بنیاد پر سزا نہیں دی جاسکتی، اور یو اے پی لاگو نہیں کیا جاسکتا، تفتیشی ایجنسیوں کی کارکردگی پر سوال اٹھاتے ہوئے تمام ثبوتوں کو ناقابل اعتبار قرار دیا۔ عدالت نے تمام ملزموں کو باعزت بری کردیا۔
عیاں رہے کہ 29 ستمبر 2008 کو رمضان کے دوران عشاء کے وقت مالیگاوں کے بھکو چوک میں بم دھماکہ ہوا تھا، جس میں 6 افراد شہید اور 101 زخمی ہوئےتھے۔ 30 ستمبر کو آزاد نگر پولیس نے ایف آئی آر درج کی، جسے بعد میں اے ٹی ایس نے اپنے ہاتھ میں لیا اور 12 ملزمین کو گرفتار کیا جن میں سادھوی پرگیہ، کرنل پروہت، میجر اپادھیائے، سمیر کلکرنی، اجے راہیکر، سدھاکر دھر دویدی، اونکار چترویدی، راکیش دھاؤڑے، جگدیش مہاترے، شیو نارائن کلسانگرا، شیام شاہو اور پروین ٹکلی شامل ہیں۔
20 جنوری 2009 کو چارج شیٹ داخل ہوئی، مارچ 2011 میں این آئی اے نے دوبارہ تفتیش شروع کی۔ مئی 2014 میں حکومت بدلنے کے بعد وکیل روہنی سالیان نے استعفیٰ دیا اور اویناش رسال نے چارج سنبھالا۔ 13 جون 2016 کو سادھوی کو کلین چٹ دی گئی، جس پر بامبے ہائی کورٹ نے 25 اپریل 2017 کو اسے ضمانت دی۔ بعد ازاں کرنل پروہت کو سپریم کورٹ نے 21 اگست 2017 کو ضمانت پر رہا کیا۔ عدالت نے یکے بعد دیگرے دیگر ملزمین کو بھی ضمانت پر رہا کرنے کا حکم دیا تھا۔
27 دسمبر 2017 کو 7 ملزمین کے خلاف چارج فریم کیا گیا، جب کہ 3 ملزمین کو مقدمے سے ڈسچارج کر دیا گیا اور 2 کے مقدمات پونے اور تھانے منتقل کیے گئے۔ 30 اکتوبر 2018 کو مقدمے کی باقاعدہ سماعت کا حکم دیا گیا۔ 3 دسمبر 2018 کو پہلے گواہ اور 4 ستمبر 2023 کو آخری گواہ کی کی گواہی ہوئی ۔
2008 मालेगांव ब्लास्ट केस में NIA कोर्ट का बड़ा फैसला
NIA कोर्ट ने सभी सात आरोपियों को किया बरी
साध्वी प्रज्ञा सिंह, लेफ्टिनेंट कर्नल पुरोहित समेत सभी दोषमुक्त
NIA कोर्ट ने कहा- पर्याप्त सबूत नहीं हैं !@Jitendra_Talks । @awanishvidyarth । @bhupendrachaube ।… pic.twitter.com/vBF7chEFDc
— Breaking Tube (@BreakingTubeX) July 31, 2025
