ہانگژو: ایشین گیمز کے مردوں کے کرکٹ میچ میں جمعرات کو کھیلے گئے ٹی-20 میچ میں مالدیپ نے منگولیا کو نو وکٹوں سے شکست دے دی۔
چین میں جاری 19ویں ایشین گیمز میں آج صبح مالدیپ نے ٹاس جیت کر پہلے فیلڈنگ کا فیصلہ کیا۔ منگولیا نے پہلے بلے بازی کرتے ہوئے مقررہ 20 اوورز میں نو وکٹوں کے نقصان پر 60 رنز بنائے۔ منگولیا کی جانب سے داوسورین جمیانسورین نے 39 گیندوں پر سب سے زیادہ 15 رنز بنائے۔ انہیں حسین سعدین نے بولڈ آؤٹ کیا۔ اس کے علاوہ ان کا کوئی بھی بلے باز دوہرے ہندسے تک نہیں پہنچ سکا۔ تور اردنے سومیا نو رنز بنانے کے بعد ناٹ آؤٹ رہے۔ اس کے علاوہ منگن التنخویگ آٹھ رنز بنائے اور انہیں اسماعیل علی اور حسین سعدین نے رن آؤٹ کیا۔ منگول ٹیم کو سب سے زیادہ 16 رنز اضافی ملے۔ منگولیا کی پوری ٹیم 20 اوورز میں نو وکٹوں کے نقصان پر 60 رنز پر ڈھیر ہو گئی۔
مالدیپ کی جانب سے عظیم رفیگ نے 10 رنز کے عوض تین، تھولائی محمد رایا نے سات رنز کے عوض دو اور حسین سعدین نے ایک وکٹ حاصل کیا۔ منگول ٹیم کے تین بلے باز رن آؤٹ ہوئے۔
اس کے بعد بیٹنگ کے لیے آنے والی مالدیپ نے عظیم رفیق کے 16 گیندوں پر ناقابل شکست 24 رنز اور کپتان حسن رشید کے 14 گیندوں پر ناقابل شکست 21 رنز کی بدولت چھ اوورز اور چار گیندوں پر 62 رنز بنا کر میچ جیت لیا۔ مالدیپ کی جانب سے اسماعیل علی نے نو رنز بنائے اور انہیں تمر سکھ نے اولاگون بائر کے ہاتھوں کیچ آؤٹ کرایا۔ مالدیپ کو آٹھ رنز اضافی ملے۔
مزید پڑھیں:
عمران ملک نے تیز گیند بازی کا نیا ریکارڈ بنا ڈالا
منگولیا کے باؤلر تمر سکھ ترمنخ نے ایک وکٹ حاصل کیا۔ اس جیت کے ساتھ ہی مالدیپ کی ٹیم اپنے گروپ میں دوسری پوزیشن پر پہنچ گئی ہے۔
