مہاراشٹر،گجرات اور تمل ناڈو میں کورونا متاثرین کی تعداد سب سے زیادہ

نئی دہلی: عالمی وبا کورونا وائرس كووڈ -19 کی وبا مہاراشٹر،گجرات اور تمل ناڈومیں کافی تیزی سے پھیل رہی ہے اوران تینوں ریاستوں میں متاثرین کی تعداد سب سے زیادہ بالترتیب 30706 ،10988 اور 10585 ہو گئی ہے اوران تینوں ریاستوں میں مجموعی طور پر 1834 افراد کی موت ہو چکی ہے۔مرکزی وزارت صحت کی جانب سے اتوار کی صبح جاری کئے گئے اعدادوشمار کے مطابق ملک میں كووڈ -19 سے اب تک 90927 لوگ متاثر ہوئے ہیں اور 2872  افراد کی موت ہو چکی ہے. وہیں 34109  افراد اس جان لیوا وائرس سے نجات حاصل کرنے میں کامیاب ہوئے ہیں۔