مہاراشٹر اسٹیٹ بورڈ آف سیکنڈری اینڈ ہائر سیکنڈری ایجوکیشن نے بارہویں جماعت کے امتحانات کے نتائج کا اعلان کردیا ہے۔ آج ظاہر کئے گئے نتائج کے مطابق ریاست کا نتیجہ 90.66 فیصد رہا ہے۔ پچھلے سال کے مقابلہ میں، نتائج میں 4.78 فیصد اضافہ ہوا ہے۔ ہر سال کی طرح اس سال صرف لڑکیوں نے کامیابی حاصل کی ہے۔کوکن ڈویژن کا نتیجہ سب سے زیادہ 95.89 فیصد رہا ہے اورنگ آباد ڈویژن کا نتیجہ سب سے کم 88.18 فیصد رہا ہے۔ کامیاب ہونے والے طلباء میں سے 513575 نے درجہ اول، 579667 نے درجہ دوم اور 45029 نے پاس گریڈ سے کامیابی حاصل کی۔
اسٹیٹ بورڈ نے پونے ، ناگپور ، اورنگ آباد ، ممبئی ، کولہا پور ، امراوتی ، ناسک ، لاتور اور کوکن علاقائی بورڈ کے تحت بارہویں جماعت کے امتحان فروری سے مارچ 2020 میں منعقد کیے تھے۔ امتحان کے لیے 14 لاکھ 20 ہزار 575 طلباء نے فارم بھرے تھے ۔ جس میں سے 14لاکھ 13 ہزار 687 طلباء نے امتحان دیا ۔ ان میں سے 12 لاکھ 81 ہزار 712 طلباء پاس ہوئے ہیں۔ لڑکیوں کا نتیجہ 93.88 فیصد جبکہ لڑکوں کا فی صد88.04 رہا۔ کرونا وباء کی وجہ سے جوابی پرچوں کی جانچ میں کافی وقت لگا مشکلات پیدا ہوئی تھیں۔جس کے باعث نتائج کے اعلان میں تاخیر ہوئی۔
علاقائی بورڈ کے لحاظ سے نتائیج: پونا: 92.50 ، ناگپور: 91.65 فیصد ، اورنگ آباد: 88.18 فیصد ، ممبئی: 89.35 فیصد ، کولہاپور: 92.42 فیصد ، امراوتی: 92.09 فیصد،
ناسک: 88.87 فیصد ، لاتور: 89.79 فیصد ، کوکن: 95.89 فیصد ظاہر کیا گیا۔ اسی طرح فیکلٹی کے لحاظ سے، آرٹس کے 82.63 ، کامرس کے 91.27 ، سائنسکے -96.93 اور پیشہ ورانہ کورسز کے 86.07 فی صد طلباء کامیاب قرار دیے گئے۔
ریاست میں اردو مضمون میں جملہ 42192 طلباء نے امتحان دیا تھا۔ جس میں سے 9699 فیصد، جملہ 40925 کامیاب ہوئے ۔ اسی طرح عربی مضمون میں 4899 طلباء نے امتحان دیا اور 96.96 فیصد ، 4749 نے کامیابی حاصل کی۔ واضح رہے کہ ریاستی بورڈ میں طلبء کو 154 مختلف مضامین میں امتحان دینے کی سہولت ہے۔
اردو مضمون سب سے زیادہ امراوتی ڈیوژن میں 11587 طلباء نے امتحان دیا اور 11192 نے کامیاب ہوئے۔ اسی طرح کولہا پور ڈیوژن میں سب سے کم صرف 512 طلباء نے امتحان دیا جس میں سے 498 کامیاب ہوئے۔ کوکن ڈیوژن میں بھی صرف 517 نے امتحان دیا اور 503 کامیاب ہوئے۔ اس کے علاوہ اورنگ آباد ڈیوژن میں 6121 نے امتحان دیا اور 5850 کامیاب ہوئے۔ پونا ڈیوژن میں 2376 نے امتحان دیا اور 2316 کامیاب ہوئے، ناگپور ڈیوژن میں 1899 نے امتحان دیا اور 1880 کامیاب ہوئے۔ ممبئی ڈیوژن میں 8776 نے امتحان دیا اور 8496 کامیاب ہوئے۔ ناسک ڈیوژن میں 7551 نے امتحان دیا اور 7422 کامیاب ہوئے۔ اور لاتور ڈیوژن میں2855 نے امتحان دیا اور 27780 کامیاب ہوئے۔
اسٹیٹ بورڈ کے ذریعہ نتائج کا اعلان صبح 11 بجے کیا جا تھا۔ تاہم ، پونے میں لاک ڈاؤن کی وجہ سے ، ریاستی بورڈ کے کچھ ملازمین کو پولیس تفتیش کا سامنا کرنا پڑا۔ اس کے نتیجے میں بورڈ کے ملازمین کو دفتر پہنچنے میں تاخیر ہوئی۔ لہذا ، بارہویں جماعت کے نتائج کا اعلان صبح 11 بجے کی بجائے صبح 11.45 بجے کیا گیا۔
