نئی دہلی، (یو این آئی)جیو نے 100 دنوں میں 101 شہروں میں حقیقی 5 جی لانچ کرکے ایک نیا ریکارڈ قائم کیا ہے۔ تمل ناڈو کے انفارمیشن ٹیکنالوجی کے وزیر تھیرو ٹی منو تھنگراج نے کوئمبٹور، مدورائی، تروچیراپلی، سیلم، ہوسور اور ویلور کے شہروں میں جیو ٹرو 5 جی نیٹ ورک کا آغاز کیا۔ ان 6 شہروں کے ساتھ ہی جیو کے 5G نیٹ ورک سے جڑے شہروں کی تعداد 101 تک پہنچ گئی ہے۔
لانچ کے موقع پر بات کرتے ہوئے آئی ٹی کے وزیر منو تھنگراج نے کہا، “مجھے تمل ناڈو میں جیو کی ٹرو 5 جی خدمات شروع کرنے پر خوشی ہورہی ہے۔ 5G خدمات تمل ناڈو کے لوگوں کے لیے سمندری تبدیلیاں اور فوائد لیکر آئیں گی۔ تمل ناڈو میں 5G خدمات کے آغاز سے اسٹارٹ اپس کو بڑا فروغ ملے گا۔ خاص طور پر وہ اسٹارٹ اپ جو انٹرنیٹ آف تھنگز، بلاک چین، مصنوعی ذہانت، مشین لرننگ اور ڈیٹا اینالیٹکس جیسی نئی ٹیکنالوجیز پر کام کر رہے ہیں۔
جیوکے ترجمان نے کہا، “ہم جیو ٹرو 5 جی سروس کو تامل ناڈو کے مزید چھ شہروں تک پھیلانے کے لیے پرجوش ہیں۔ جلد ہی جلو ٹرو 5 جی نیٹ ورک پورے تمل ناڈو میں دستیاب ہوگا۔ دسمبر 2023 تک، جیو کی ٹرو 5G خدمات تمل ناڈو کے ہر گاؤں اور ہر قصبے میں دستیاب ہوں گی۔
جیو نے تمل ناڈو میں 5G نیٹ ورک قائم کرنے کے لیے 40,000 کروڑ روپے سے زیادہ کی سرمایہ کاری کی ہے۔ اس سے تمل ناڈو میں تقریباً 1 لاکھ لوگوں کو براہ راست اور بالواسطہ روزگار ملا ہے۔ یہ ریاست کے تئیں ہماری وابستگی کو ظاہر کرتا ہے۔
جیو کے 5 جی رول آؤٹ کی رفتار اس کی حریف کمپنیوں سے زیادہ تیز ہے۔ جیو کے 101 شہروں کے مقابلے میں ایئر ٹیل صرف 27 شہروں میں اپنی 5G سروس شروع کرنے میں کامیاب رہا ہے۔ اسی وقت وی آئی یعنی ووڈا آئیڈیا کے صارفین اب بھی 5 جی کے آغاز کا انتظار کر رہے ہیں۔
ریلائنس جیو نے 4 اکتوبر 2022 کو 4 شہروں میں جیو ٹرو 5 جی لانچ کرکے 5G رول آؤٹ کا آغاز کیا اور صرف 100 دنوں کے اندر اس کی سروس تقریباً 101 شہروں تک پہنچ گئی۔ ان میں کئی چھوٹے اور بڑے شہروں کے ساتھ دہلی، ممبئی، چنئی اور کولکاتہ جیسے میٹرو شہر بھی شامل ہیں۔ جیو نے اپنے حقیقی 5G نیٹ ورک کو مذہبی اہمیت کے مقامات جیسے ناتھدوارا، مہاکال مندر، کامکھیا مندر، گرووائر، تروپتی پر بھی دستیاب کرایا ہے۔
