حسین امیر عبداللہیان
اس سال عالمی یوم قدس ان حالات میں منایا جا رہا ہے جب ہم تاریخ کے سب سے بڑے قتل اور نسل کشی کے گواہ ہیں۔ فلسطین اور خاص طور پر غزہ میں گزشتہ 6 ماہ کی گہری انسانی تباہی، عالمی قوانین کی خلاف ورزی کرتے ہوئے مقبوضہ علاقے میں مظلوم لیکن ثابت قدم فلسطینیوں کے حقوق کی تاریخی پامالی کا ایک اور درد ناک اور افسوسناک پہلو ظاہر کرتی ہے۔ یہ ناجائز اور غیرمستقل اسرائیلی حکومت کی طرف سے فلسطین کے اصلی اور مستند باشندوں کے خلاف زبردستی اور جبر کے کھلے عام مسلط کیے جانے کے ساتھ ساتھ بین الاقوامی سطح پر مشہور قتل اور جرائم کا بھی ایک مظہر ہے۔
ان دنوں نہ صرف فلسطینی خواتین اور مردوں کے ساتھ ساتھ بے گھر اور معصوم بچوں کو صہیونی مجرموں کے ہاتھوں قتل کیا جا رہا ہے بلکہ اسپتال، طبی اور امدادی مراکز، مساجد اور گرجا گھر بھی جعلی اور درندہ صفت حکومت کے حکام اور فوجیوں کے شر سے محفوظ نہیں ہیں۔صہیونیوں کے اقدامات کو بلاشبہ انسانی حقوق کے واضح بنیادی اصولوں کی خلاف ورزی اور انسانیت کے خلاف مشترکہ جرائم، نسل کشی، نسل پرستی اور نسلی تطہیر کا واضح مظہر قرار دیا جا سکتا ہے۔غزہ کی پٹی میں مسلسل نسل کشی اور مختلف قسم کے جنگی جرائم کا ارتکاب، صرف 6 ماہ میں 33,000 سے زائد فلسطینیوں کا اجتماعی قتل، جن میں زیادہ تر خواتین اور بچے شامل ہیں، اس کے ساتھ ساتھ جعلی اسرائیلی حکومت کی طرف سے بار بار کی امداد کی ممانعت اور روک تھام۔ پوری غزہ کی پٹی کے لیے انسانی امداد، خوراک اور ادویات کوغزہ کے باشندوں کے خلاف بھوک کااسرائیل کی جانب سے ہتھیار کے طور پر استعمال جس کا مقصد خواتین اور بچوں کو قتل کرنا اور انہیں زبردستی سینائی اور اردن کی سرزمین پر منتقل کرنا ہے، نے موجودہ صدی کی سب سے بڑی انسانی تباہی کے خطرے کی گھنٹی بجائی ہے۔
یہ بات اب سب پر واضح ہے کہ غزہ کی پٹی پر مکمل ناکہ بندی کرنے اور اس کے باشندوں کو فوری اور مناسب انسانی امداد کی فراہمی روکنے کے اسرائیلی حکومت کے خطرناک مقاصد میں سے ایک سماجی اور شہری تباہی کے حالات پیدا کرنا ہے۔ غزہ اور زندگی کی تمام نشانیوں کے ساتھ ساتھ فلسطین کی تاریخی اور تہذیبی شناخت کو ختم کرنا۔ غزہ کے باشندوں کو زبردستی بے گھر کرنے کی کوششیں فلسطینی قوم اور شناخت کو دانستہ طور پر تباہ کرنے کے لیے صیہونی حکومت کی قتل و غارت گری کی مذموم پالیسی کا ایک اور ثبوت ہے۔
آج عالمی برادری، اقوام متحدہ کی سلامتی کونسل اور بین الاقوامی عدالت انصاف اور بین الاقوامی فوجداری عدالت کے سامنے ان عناصر کولایا جائے جو یہ ثابت کرتے ہیں کہ صیہونی حکومت کے ہاتھوں غزہ میں نسل کشی اور اجتماعی قتل عام ہو رہا ہے۔ اب ضروری ہے کہ موثر حفاظتی اور تعزیری اقدامات کیے جائیں۔ہم نے اقوام متحدہ کے سیکرٹری جنرل اور ریڈ کراس کی بین الاقوامی کمیٹی برائے انسانی ہمدردی کے تعاون کے ساتھ ساتھ اسلامی تعاون تنظیم کے ساتھ بین الاقوامی فورمز پر وسیع مشاورت کی ہے تاکہ جنگ بندی اور خوراک اور ادویات کی فراہمی کی ضرورت پر زور دیا جا سکے۔ ہم دیکھ رہے ہیں کہ اقوام متحدہ کے سیکرٹری جنرل اور ریڈ کراس کی بین الاقوامی کمیٹی کے صدر نے اہم اقدامات کیے ہیں تاہم اسرائیلی حکومت کے ساتھ وائٹ ہاؤس اور کچھ دیگر مغربی حکومتوں کی مکمل صف بندی کی وجہ سے، اس طرح کی انسانی ہمدردی کی کوششوں کے اب تک مناسب نتائج نہیں ملے ہیں۔
انتہائی افسوس کا مقام ہے کہ غزہ پر غاصب صیہونی حکومت کے وحشیانہ حملوں کو تقریباً 6 ماہ گزرنے کے باوجود ہم عالمی برادری اور خاص طور پر اقوام متحدہ اور اس کی سلامتی کونسل کی مسلسل بے عملی کا مشاہدہ کر رہے ہیں جن کی بنیادی ذمہ داری بین الاقوامی امن اور سلامتی کو یقینی بنانا ہے۔واضح طور پر امریکہ جنگ بندی کی کوششوں میں رکاوٹ کا ذمہ دار ہے۔دوسری طرف، اسلامی تعاون تنظیم سے توقع کی جا رہی تھی کہ وہ اپنی مختلف سیاسی اور اقتصادی صلاحیتوں کے ساتھ ساتھ دباؤ کے ذریعہ جنگ کو روکنے کے لیے اپنا مؤثر کردار ادا کرے گی تاہم، مختلف اجلاس کے انعقاد کے باوجود یہ تنظیم اس سلسلے میں موثر اور متوقع کردار ادا کرنے میں ناکام رہی ہے۔
ہم پر امید ہیں کہ مسلم ریاستوں کی کوششوں اور عالمی برادری کی عملی ذمہ داری کے پیش نظر رمضان المبارک کے اختتام سے قبل غزہ کے مظلوم عوام کو بھوک اور قحط سے بچانے کے لیے فوری انسانی امداد بھیجی جائے گی۔ہم یہ بھی امید کرتے ہیں کہ اس مقدس مہینے کی برکت سے ہم پہلے سے کہیں زیادہ مضبوط علاقائی، مسلم اور بین الاقوامی اتحاد و یکجہتی اور مظلوم فلسطینی قوم کی حمایت کے لیے عالمی کوششوںکامشاہدہ کریں گے اور فلسطینیوں کے خلاف نسل پرست اور دہشت گرد صیہونی حکومت کی مسلسل بربریت کا خاتمہ کے لیے سنجیدہ، موثر علاقائی اور بین الاقوامی اقدامات کیے جائیں گے۔
اس میں کوئی شک نہیں کہ فلسطینی سرزمین پر موجود دردناک انسانی حالات اور جنگی حالات کے باوجود فلسطین کے مسلمان اور غزہ کی پٹی اور مغربی کنارے کے باشندے اپنے وطن کے دفاع کے لیے مضبوط عزم اور ایمان کے ساتھ کھڑے ہیں اور بین الاقوامی سطح پر تسلیم شدہ حقوق اور قابض حکومت اور اس کے مجرموں کے خلاف پائے استقامت کے ساتھ مزاحمت جاری رکھیں گے۔پوری دنیا فلسطین کے حالات اور اس کے عوام جن تکلیف دہ حالات سے دوچار ہیں، وہ حالات ہیں جو انسانیت اور دنیا کے آزاد انسانوں کی تمام مشکلات کا آئینہ دار ہیں۔
ہمیں یقین ہے کہ اس تاریخی لمحے میں دنیا کے تمام آزادی پسند اور امن پسند لوگ عالمی برادری بالخصوص اقوام متحدہ اور اسلامی ممالک سے دیرپا امن کی جانب عملی اقدامات کرنے کے لیے ضروری بنیادوں کی تیاری اورفلسطینیوں کے پامال شدہ حقوق کی ضمانت اور غزہ کی پٹی اور مغربی کنارے میں صیہونی حکومت کے خوفناک جرائم کا خاتمہ کرنے کامطالبہ کریںگے۔فلسطینی قوم کے مکمل حقوق کی تکمیل اور موجودہ صدی کے سب سے بڑے اور دردناک قبضے کے خاتمے کی ضرورت پر یقین رکھتے ہوئے اسلامی جمہوریہ ایران کئی دہائیوں سے فلسطینی عوام کے ساتھ فخر کے ساتھ کھڑا ہے۔ مسئلہ فلسطین کی اہمیت پر تاکید کرتے ہوئے اسلامی جمہوریہ ایران کاکہناہے کہ وہ عالم اسلام کا سب سے اہم مسئلہ ہے اور مغربی ایشیا کے بحران کی اصل اور بنیادی جڑ کے طور پرعالمی برادری کو فلسطین کے قبضے سے نمٹنے کی ضرورت ہے۔ نیز صیہونی حکومت خطے میں عدم تحفظ اور عدم استحکام کی سب سے بڑی وجہ کے طور پر اس دائمی تاریخی بحران کو بنیادی طور پر حل کرکے انسانیت اور مسلم دنیا کے جسم و ضمیر پر لگے گہرے زخم پرمرحم یقین رکھتے ہیں۔عالمی یوم قدس، اسلامی جمہوریہ ایران کے عظیم بانی حضرت امام خمینی ؒ کے اقدام کے طور پر مسئلہ فلسطین کی طرف دنیا کی ذمہ دارانہ توجہ دلانے کے لیے اتحاد اور عالمی یکجہتی کی مضبوطی کا ایک اہم موقع فراہم کرتا ہے۔ فلسطین کے مظلوم عوام سے ہمدردی اور غاصب صیہونی حکومت سے نفرت اور بیزاری کے اظہار کا مقصد اس جعلی اور مجرمانہ حکومت کے حامیوں کی مذمت کرنا اور قدیمی اور دردناک فلسطینی بحران کی اصل جڑوں پر ذمہ دارانہ توجہ دلانے کا ایک بہترین موقع ہے۔
صہیونی غاصب اور اس حکومت کے بدنام زمانہ حامیوں نے الاقصیٰ طوفان آپریشن پر توجہ مرکوز کر رکھی ہے جو کہ فلسطینی قوم کی طرف سے ہر قسم کے جرائم، قتل و غارت، جبر اور ان کے فطری حقوق کی خلاف ورزیوں کے ساتھ ساتھ القدس اور مسلمانوں کے مقدسات کی توہین پر ایک ناگزیر ردعمل تھا،مزاحمتی تحریک اور فلسطینی قوم پر غزہ کے خلاف جاری جنگ شروع کرنے کا الزام لگانا چاہتے ہیں۔وہ اناڑی طور پر عالمی رائے عامہ کو حقیقت اور فلسطین کے بحران کی اصل جڑ سے ہٹانے کی کوشش کرتے ہیں، جب کہ بحران کی اصل جڑ ایک جعلی اور بے بنیاد حکومت کے فلسطینی سرزمین پر 75 سالہ قبضے اور ایک عظیم قوم کے بنیادی، قانونی اور فطری حقوق کی خلاف ورزیاں ہیں۔جب تک بحران کی اصل جڑ پر سنجیدگی سے توجہ نہیں دی جاتی اور اس کے علاج کے لیے ذمہ دارانہ اقدامات نہیں اٹھائے جاتے، خطے اور دنیا میں دیرپا امن و سلامتی قائم نہیں ہو سکے گی۔عالمی یوم قدس ایک قابل عمل، ذمہ دارانہ اور حقیقی حل تلاش کرنے کا موقع فراہم کرتا ہے۔فلسطینی قوم کے فطری اور موروثی حق پر تاکید کرتے ہوئے کہ جبر اور قبضے کے خلاف قانونی مزاحمت کی جائے، اسلامی جمہوریہ ایران نے ذمہ داری کے ساتھ مسئلہ فلسطین کے لیے ایک جمہوری اقدام پیش کیا ہے جسے اقوام متحدہ میں رجسٹر کیا گیا ہے۔ ایران کا خیال ہے کہ خطے اور دنیا کے موجودہ صدی کے سب سے قدیم اور دردناک بحران کو اقوام متحدہ کی مدد سے فلسطین کے اصل باشندوں بشمول عیسائیوں، مسلمانوں اور یہودیوں کے درمیان ریفرنڈم کے ذریعے حل کیا جا سکتا ہے۔
(مضمون نگاراسلامی جمہوریہ ایران کے وزیرخارجہ ہیں)
