’ایک سال میں ملک کےخلاف جرائم کے 5100 سے زیادہ معاملے‘

نئی دہلی، (پی ٹی آئی) گزشتہ سال غداری، آفیشل سیکریٹس ایکٹ اور غیر قانونی سرگرمیاں (روک تھام) ایکٹ سمیت ملک کے خلاف مختلف جرائم کے الزام میں 5,164 معاملے، یعنی ہر دن اوسطاً 14 معاملے درج کیے گئے، جن میں شامل ہیں۔ نیشنل کرائم ریکارڈ بیورو (این سی آر بی) کی ’کرائم ان انڈیا-2021 ‘رپورٹ کے مطابق، 2020 اور 2019 کے مقابلے 2021 میں معاملوں میں کمی آئی جب بالترتیب 5,613 اور 7,656 معاملے درج کیے گئے۔ این سی آر بی وزارت داخلہ کے تحت کام کرتا ہے۔اس طرح کے 5,164 نئے کیسوں کے علاوہ گزشتہ سال 8,600 زیر التوا معاملوں کی جانچ کی گئی اور3 کیس دوبارہ جانچ کےلئے کھولے گئے۔ این سی آر بی کی سالانہ رپورٹ سے پتہ چلتا ہے کہ اس سے 2021 میں زیر التوا کیسوں کی کل تعداد 13,767 ہوگئی۔
اعداد و شمار کے مطابق، پچھلے سال ایسے کیسوں میں سے 79.2 فیصد عوامی املاک کو نقصان کی روک تھام کے قانون (4,089 مقدمات) کے تحت درج کیے گئے تھے۔ غیر قانونی سرگرمیوں کی روک تھام ایکٹ (یواے پی اے) کے تحت 814 مقدمات (15.8 فیصد) درج ہوئے۔
سرکاری اعداد و شمار کے مطابق، 2021 میں پورے ملک میں چارج شیٹ داخل کرنے کی شرح 78 فیصد رہی۔ رپورٹ میں کہا گیا ہے کہ 2021 میں ‘ملک کے خلاف جرائم’ کے زمرے کے تحت اتر پردیش میں سب سے زیادہ 1,862 مقدمات درج کیے گئے، جو 2020 میں 2,217 اور 2019 میں 2,107 تھے۔اعداد و شمار کے مطابق، اتر پردیش کے بعد تمل ناڈو (654)، آسام (327)، جموں و کشمیر (313) اور مغربی بنگال (274) ہیں۔ گزشتہ سال دہلی میں اس طرح کے 18 معاملے درج کیے گئے تھے۔گزشتہ سال ملک بھر میں غداری کے کل 76 معاملے ( تعزیرات ہند کی دفعہ 124 اے کے تحت)، یو اے پی اے کے تحت 814 اور آفیشل سیکرٹ ایکٹ کے تحت 55 کیس درج کیے گئے تھے۔ این سی آر بی کے اعداد و شمار اس سے پتہ چلتا ہے کہ عوامی املاک کو پہنچنے والے نقصان کی روک تھام کے قانون کے تحت (4,078 مقدمات) مقدمات درج کیے گئے ۔ سب سے زیادہ بغاوت کے مقدمات آندھرا پردیش میں (29) اس کے بعد منی پور اور ناگالینڈ (ہر ایک میں 7) ،ہریانہ (5)، دہلی (4) اور اتر پردیش اور آسام (ہر ایک میں 3 کیس) درج ہوئے۔ یو اے پی اے کے سب سے زیادہ کیس منی پور (157) میں درج ہوئے، اس کے بعد آسام (95)، جھارکھنڈ (86)، اتر پردیش (83)، جموں و کشمیر (289)، دہلی (پانچ) ہیں۔