نئی دہلی: نویں سکھ گرو تیغ بہادر کے 400 ویں پرکاش پرو پر دہلی کے تمام تاریخی گرودواروں میں اس سال اپریل سے سے لے کر پورے سال تقریبات منعقد کی جائیں گے۔
دہلی سکھ گرودوارہ منیجنگ کمیٹی کے چیئرمین منجندر سنگھ سرسا نے بتایا کہ جمعرات شری تیغ بہادر صاحب جی کا 399 واں پرکاش پرو تاریخی شیش گنج گرودوارہ میں منعقد کیا جائے گا۔ جہاں گرو صاحب نے کشمیری پنڈتوں کے زبردستی مذہب تبدیلی کے خلاف 11 نومبر 1675 کو قربانی دی تھی،جسے اب یوم شہید کے طور پر منایا جاتا ہے۔ 400 ویں یوم پیدائش کی اختتامی تقریب تاریخی گرودوارہ رکاب گنج صاحب میں منعقد کیا جائے گا، جہاں گرو صاحب کے جسد خاکی کو سکھ مذہب کی روایات کے مطابق آگ کے سپرد کیا گیا تھا۔
انہوں نے کہا کہ اس اہم انعقاد کے لئے سکھ مورخین، سکھ دانشوروں اور ماہرین کی ایک کمیٹی بنائی جائے گی جو اس موقع پر سیمینار، ورکشاپس، مباحثے وغیرہ مقابلوں کا دہلی کے مختلف گرودواروں میں منظم کرکے نوجوان نسل کو ان کی تعلیمات اور معاشرے کے لئے دی گئی قربانی کے لئے بیدار و باشعور بنائے گی۔
