نئی دہلی: تمل ناڈو کے جنوبی حصوں میں شدید بارش کی وجہ سے تقریباً 500 مسافر تمل ناڈو ریلوے اسٹیشن پر پھنسے ہیں۔ مسافر توتیکورن ضلع کے شری وائی کنٹم میں پھنسے ہوئے ہیں۔ بارش سے اسٹیشن ہر طرف سے پانی میں گھرا ہوا ہے اور خراب پٹریوں کی وجہ سے ٹرینیں نہیں چل رہی ہیں۔ شدید بارشوں کے باعث ریلوے ٹریک کے گٹی پانی میں بہہ گئے ہیں اور صرف لوہے کی سلاخوں والے سیمنٹ کے سلیب ہی نظر آرہے ہیں۔
#TamilNaduRains | Incessant rainfall leads to severe waterlogging in parts of #TamilNadu
(📹 ANI ) pic.twitter.com/nZXfnht3wY
— Hindustan Times (@htTweets) December 18, 2023
اسٹیشن کی طرف جانے والی سڑک کو نقصان پہنچنے کے باعث ریسکیو آپریشن روک دیا گیا ہے۔ یہ ٹرین تروچندر سے چنئی جا رہی تھی۔ جنوبی ریلوے نے ایک بیان میں کہا کہ مسافر محفوظ ہیں۔ این ڈی آر ایف اسٹیشن تک پہنچنے کی کوشش کر رہا ہے۔ کھانے کی چیزیں ہوائی جہاز سے پہنچانے کی کوششیں جاری ہیں۔
اگرچہ، بعض علاقوں میں موسلادھار بارش سے راحت ملی ہے لیکن ڈیموں سے اضافی پانی چھوڑنے سے پانی جمع ہونے کا مسئلہ پیدا ہوگیا ہے۔
مزید پڑھیں: مرکز کی ریاستوں کو کووڈ کے بڑھتے معاملات پر محتاط رہنے کی ہدایت
وزیر اعلیٰ ایم کے اسٹالن نے وزیر اعظم نریندر مودی کو خط لکھ کر ریاست کے جنوبی حصوں میں بارش اور سیلاب کی صورتحال پر تبادلہ خیال کے لیے 19 دسمبر کو وقت مانگا ہے۔ چار جنوبی اضلاع کنیا کماری، تھوتھکوڈی، ٹینکاسی اور ترونیلویلی ہیں، جو بہت زیادہ بارش سے متاثر ہیں۔
