پرتاپ گڑھ :اترپردیش میں پرتاپگڑھ ضلع ہیڈکواٹر سے پچاس کلومیٹر مسافت پر تھانہ اودے پور علاقے کے سیمرہ گاوں میں جمعرات کو پردھان اور ان کے مخالفین کے مابین ہوئی مار پیٹ و فائرنگ میں گولی لگنے سے دو افراد زخمی ہوگئے جنہیں علاج کے لیئے ضلع اسپتال میں داخل کرایا گیا ۔
پولیس سپرنٹنڈنٹ میڈیا سیل سے جاری پریس ریلیز کے بموجب سیمرہ گاوں پردھان سیف خاں کسی منصوبہ کے لیئے لوگوں سے آدھار کارڈ جمع کرا رہے تھے کہ
مخالف فریق انوارال نے آدھارکارڈ جمع کرانے کا سبب دریافت کیا تو دونوں فریقوں میں کہاسنی کے مابین مارپیٹ وفائرنگ شروع ہوگئ ۔جہاں گولی لگنے سے پردھان
حامی محمد منصورو دوسرے فریق کے شاہ باغ عرف توسیف حسن سمیت دو افراد زخمی ہو گئے ۔وہیں پولیس نے دونوں زخمیوں کو علاج کے لیئے مقامی اسپتال میں
داخل کرایا ۔ڈاکٹروں نے حالت نازک دیکھتے ہوئے دونوں کو ضلع اسپتال ریفر کر دیا ۔پولیس وقوعہ کے متعلقہ میں قانونی کارروائی کر رہی ہے ۔
