نئی دہلی، (یو این آئی) محکمہ صحت کی طرف سے 10 فروری سے ملک بھر کی کئی ریاستوں میں ایم ڈی اے-آئی ڈی اے مہم شروع کی جا رہی ہے۔ مہم کے دوران ہیلتھ ورکرز کی ٹیم گھر گھر جا کر شہریوں کو فلیریاسس جیسی خطرناک بیماری سے بچانے کے لیے ادویات کھلائیں گی۔ اسی سلسلے میں کمیونٹی ریڈیو عوامی بیداری پھیلانے کے لیے ہرممکن کوششیں کر رہے ہیں، وہ اپنے مختلف پروگراموں جیسے آر جے لنکس، پروموز، کہانیوں، انٹرویوز، نعروں، گانوں، گیتوں وغیرہ میں لوگوں سے اپیل کر رہے ہیں کہ ” فروری دس، یاد رکھنا بس”۔ تاکہ زیادہ سے زیادہ لوگ ان ادویات کو لے کر اپنی زندگیوں کو محفوظ بنا سکیں۔
دور دراز علاقوں میں جہاں اخبار پہنچنا مشکل ہے اور اگر پہنچ جائیں تو لوگوں کو پڑھنے میں دشواری کا سامنا کرنا پڑتا ہے۔ ایسے میں کمیونٹی ریڈیو دیہی علاقوں کے لوگوں کے لیے بہت اہم کردار ادا کرتا ہے، اس کا دائرہ کار محدود ہے، لیکن اس کے سامعین ایک ایک لفظ کو معانی کے ساتھ بہت شوق سے سمجھتے ہیں۔ کیونکہ زبان یا خواندگی سمجھنے نے میں کوئی رکاوٹ نہیں ہوتی ہے۔ کمیونٹی ریڈیو محکمہ صحت کے پیغام کو مقامی بولی میں گاؤں والوں تک پہنچانے کی پوری صلاحیت رکھتا ہے۔ دوسری طرف ریڈیو کے سامعین ان پروگراموں کو سننے کے بعد فون کرتے ہیں اور اپنے سوالات پوچھتے ہیں۔ وہ یہ بھی جاننا چاہتا ہے کہ 10 فروری کے بعد دوا کہاں سے ملے گی؟ اس کے حاصل کرنے کا طریقہ کیا ہوگا وغیرہ۔
محترمہ ارچنا کپور نے بتایا کہ محکمہ صحت کی اس خصوصی مہم میں سات ریاستوں کے 26 کمیونٹی ریڈیو سٹیشنوں کے آر جے (ریڈیو جاکی) مقامی زبان میں ” فروری دس، یاد رکھنا بس” کہہ کر لوگوں سے اینٹی فلیریئل دوائیں لینے کی اپیل کررہے ہیں۔ جس میں بہار، اتر پردیش، اڈیشہ، مغربی بنگال، کرناٹک، چھتیس گڑھ اور مدھیہ پردیش شامل ہیں۔
دہلی کی اسمارٹ این جی او ملک بھر میں بہت سے کمیونٹی ریڈیو کے ساتھ کام کرتی ہے۔ یہ فلیریا کے خاتمے کے پروگرام میں مذکورہ تمام ریاستوں کے 26 کمیونٹی ریڈیو اسٹیشنوں کو ہر ممکن مدد فراہم کر رہی ہے۔ ریڈیو اسٹیشنوں کے منیجروں اور آر جے کوا سمارٹ این جی او کے ذریعے تربیت دی گئی ہے، اس کے علاوہ مواد اور دیگر معاونت بھی فراہم کرائی گئی ہے۔
بیداری مہم ایک ماہ تک چلے گی:ا سمارٹ این جی او کی بانی اور سربراہ مسز کپور نے بتایا کہ کمیونٹی ریڈیو پر یکم سے 28 فروری تک فلیریا سے متعلق آگاہی مہم مختلف شکلوں میں چلائی جائے گی۔
فلیریاکے تعلق سے محترمہ کپور نے کہا کہ فلیریا ایک انتہائی خطرناک بیماری ہے جو جسم کو کمزور اور بدصورت بنا دیتی ہے۔ یہ طویل مدتی معذوری کی سب سے بڑی وجہ ہے۔ اس بیماری کی علامات ظاہر ہونے میں 5 سے 15 سال لگ جاتے ہیں۔ اس کا کوئی علاج نہیں ہے، لہٰذا بہتر ہے کہ اینٹی فلیریئل دوائیں ضرور لیں۔ اور اپنے علاقے کا کمیونٹی ریڈیو سنتے رہیں، تاکہ فائلریاسس سے باخبر رہیں۔
