حیدرآباد: کورونا وائرس کی روک تھام کیلئے حکومت کی جانب سے نافذ کردہ لاک ڈاون میں کئی اہم شخصیات مختلف کام اور سرگرمیاں انجام
دیتے ہوئے سوشیل میڈیا کے مختلف ذرائع پر پوسٹ کررہے ہیں۔ ایک ایسا ہی ویڈیو تیزی سے سماجی رابطہ کے اہم ذرائع میں وائرل ہوگیا ہے وہ سابق مرکزی وزیر و
تلگوفلموں کے مشہور ہیرو چرنجیوی کا ہے جس میں ان کو دکھایا گیا ہے کہ وہ گھر کا کام کررہے ہیں اور اپنی ماں کے لئے ڈوسہ بنارہے ہیں۔ ڈوسہ جنوبی ہند کی
مشہور غذائی شئے ہے۔ اس ویڈیو میں دکھایاگیا ہے کہ ان کی ماں پیار سے ان کو ڈوسہ کھلارہی ہیں اور خود بھی کھارہی ہیں۔ یہ مختصر دومنٹ 19سکنڈ کا
ویڈیو تیزی سے وائرل ہوگیا ہے۔انہوں نے اس ویڈیو کے ساتھ کئے گئے ٹوئیٹ میں تلنگانہ کے وزیر انفارمیشن ٹکنالوجی کے تارک راما راو کے ساتھ ساتھ تلگو،تمل اور
ہندی فلموں کے مشہور اداکار رجنی کانت کو بھی نامزد کیا ہے۔ رجنی کانت،چرنجیوی کے دوست ہیں۔ انہوں نے ان دونوں کویہ چیلنج دیا ہے۔
