نئی دہلی: پاکستان میں شوال کا کا چاند نظر آگیا ہے، جس کے بعد آج یعنی چہار شنبہ عیدالفطر کی نماز پڑھی جائے گی۔ وہیں ہندوستان میں کسی بھی علاقے میں چاند کا دیدار نہیں ہوا ہے جس کی وجہ سے جمعرات کو عیدالفطر کی نماز پڑھی جائے گی۔
Pakistan central moon sighting committed announced that the moon sighted at several places across the country and nation will celebrate Eid tomorrow on Wednesday #Eid2024 pic.twitter.com/i3joZ7rK0d
— Islamuddin Sajid 🇵🇰 (@islamudinsajid) April 9, 2024
پاکستان رویت ہلال کمیٹی کا اجلاس وزارت مذہبی امور کے مرکزی دفتر کوہسار بلاک میں ہوا جس کی صدارت چیئرمین کمیٹی مولانا عبدالخبیر آزاد نے کی۔
اجلاس کے بعد پریس کانفرنس کرتے ہوئے مولانا عبدالخبیر آزاد کا کہنا تھاکہ کراچی، دیر، فیصل آباد، اسکردو اور ملک کے مختلف علاقوں سے چاند نظر آنے کی شہادتیں موصول ہوئیں۔
انہوں نے اعلان کیا کہ اتفاق رائے سے فیصلہ کیا گیا یکم شوال المکرم 1445 ہجری 10 اپریل بروز بدھ کو ہوگی۔
ہندوستان میں عیدالفطر کا چاند نظر نہیں آیا ہے۔ جس کے بعد جمعرات کو ملک بھر میں عیدالفطر منائی جائے گی۔
یہ بھی پڑھیں: ’لوجہاد‘کے نام پر پنے یونیورسٹی کے طالب علم کو بری طرح زدوکوب کیا گیا
دہلی جامع مسجد کے امام مولانا سید احمد بخاری، لکھنئو چاند کمیٹی کے سربراہ مولانا خالد رشید فرنگی محلی، جمیعت اہلحدیت ہند نے اس بات کی تصدیق کی ہے کہ منگل کے دن شوال کا چاند نظر ںہیں آیا، لہذا ہندوستان میں جمعرات کو عید منائی جائے گی۔
