قاہرہ: (یو این آئی)شمالی مصر میں ایک ٹرین کے پٹری سے اترنے سے 11 افراد کی موت اور 98 زخمی ہوگئے۔
مصری وزارت صحت نے یہ اطلاع دی ہے۔ انہوں نے بتایا کہ ٹرین حادثہ اتوار کے روز پیش آیا۔ العربیہ کے نشریاتی ادارے نے اطلاع دی ہے کہ قاہرہ کے شمال میں قلوبیا میں اس حادثے میں آٹھ افراد کی موت ہوگئی جب ایک ٹرین منصورہ شہر سے قاہرہ جاتے ہوئے اچانک پٹری سے اتر گئی۔
تاہم ، وزارت صحت نے اپنے بیان میں کہا ہے کہ ٹرین کی پٹری سے اتر جانے سے 11 افراد ہلاک اور 98 زخمی ہوگئے ہیں۔ مصری ریلوے اتھارٹی کے مطابق ، اس حادثے میں ٹرین کی چار بوگیاں پٹری سے اتر کر پلٹ گئیں۔
حالیہ ہفتوں میں مصر میں ٹرین حادثے کا یہ تیسرا واقعہ ہے۔ اس سے قبل ہفتے کے شروع میں ، شمالی مصر کے شہر شارکیہ میں ٹرین کے پٹری سے اتر جانے سے کم از کم 15 افراد زخمی ہوگئے تھے۔ گذشتہ ماہ، شمالی صوبہ سوہاگ میں دو ٹرینوں کے ٹکرانے سے19 افراد کی موت اور 185 سے زیادہ افراد زخمی ہوئے تھے۔
