انفورسمنٹ ڈائریکٹوریٹ (ای ڈی) کے ذریعہ منی لانڈرنگ کے معاملے میں شیو سینا کے رہنما اور رکن اسمبلی پرتاپ سرنایک کے فرزندوں کے گھروں اور دفاتر پر چھاپے کے بعد ان کے ان کے فرزند وہنگ سرنایک کو ای ڈی نے آ ج حراست میں لیا ہے۔
ذرائع سے دستیاب اطلاع کے مطابق ڈائریکٹوریٹ آف انفورسمنٹ (ای ڈی) کی ایک ٹیم صبح 9.30 بجے کے لگ بھگ پرتاپ سرنایک کے گھر اور دفاتر پہنچی تھی۔ ای ڈی ٹیم نے پرتاپ سرنائک کے بیٹے پرویش سرنایک اور ویہنگ سرنایک کے گھر وں پر بھی چھاپے مارے اور ای ڈی نے ویہنگ سارنایک کو حراست میں لیا ہے۔ معلوم ہوا ہے کہ اسے تفتیش کے لئے ممبئی لایا گیا ہے۔ ای ڈی کے مطابق ، ٹاپس گروپ کے پروموٹرز اور متعلقہ ممبروں کے ساتھ سرچ آپریشن جاری ہے۔ اس میں کچھ سیاستدان بھی شامل ہیں۔
سیاسی طور پر یہ قیاس آرائیاں کی جا رہی ہیں اور یہ الزامات لگائے جا رہے ہیں کہ یہ کارروائی پرتاپ سارنایک کو خاموش کرنے کے لئے کی گئی ہے۔ جنھوں نے پچھلے دنوں رپبلک ٹی وی کے سربراہ ارنب گوسوامی اور مہاراشٹرا کی ریاستی حکومت کو نشانہ بنانے والی فلم اراکارہ کنگا رناؤت کے خلاف آواز اٹھائی تھی۔
انفورسمنٹ ڈائریکٹوریٹ (ای ڈی) کی کاروائی پر ضمن میں ایک نیوز چینل سے بات کرتے ہوئے ، پرتاپ سرنائک نے کہا کہ ای ڈی کی اس کارروائی کا وہ خیرمقدم کرتے ہیں۔تاہم اس کارروائی کو انھوں نے ایک سیاسی چال کے طور پر کی گئی کاروائی قرار دیا اور بتایا کی" مجھے ای ڈی کی طرف سے کوئی نوٹس نہیں دیا گیا تھا"۔
