نئی دہلی: (ایجنسی) دہلی کے سابق وزیراعلی صاحب سنگھ ورما کے گاؤں منڈکا میں پانی جمع ہونے کے مسئلے سے کئی ماہ سے مقامی لوگ کئی مہینے سے پریشان ہورہے ہیں۔ پیر کی صبح منڈکا میٹرو اسٹیشن کے نزدیک ٹیکری بارڈر کی جانب جانے والی قومی شاہراہ پر غیر معینہ مدت کے دھرنے پر بیٹھ گئے۔ اس کی وجہ سے دہلی۔ ہریانہ قومی شاہراہ (روہتک روڈ) پر تقریباً 15 کلو میٹر تک کا لمبا جام لگ گیا ہے۔ راہ گیروں کو مشکلات کا سامنا کرنا پڑ رہا ہے۔روز مرہ کے کام پر جانے والے لوگ جام میں پھنسے ہوئے ہیں اور مظاہرین وزیراعلی اروند کیجریوال سے پختہ یقین دہانی کے مطالبے پر بضد ہیں۔ سابق وزیراعلی ورما کے بھائی اور سابق میئر آزاد سنگھ کی قیادت میں بڑی تعداد میں گاؤن کے لوگ دھرنے پر بیٹھے ہیں۔ ان میں بڑی تعداد میں خواتین بھی شامل ہیں۔
Traffic Alert
मुंडका मेट्रो स्टेशन के नीचे प्रदर्शन के कारण दोनों साइड का ट्रैफिक बंद कर दिया हैI ट्रैफिक को नांगलोई पानी की टंकी से नजफगढ़ की तरफ व घेवरा मोड़ से कंझावला की तरफ मोड़ दिया गया हैI
— Delhi Traffic Police (@dtptraffic) September 20, 2021
مقامی رہائشی روشن لال لاکڑا نے بتایا کہ گاؤں ہی نہیں، اہم شاہراہوں پر بھی پانی کی نکاسی کا انتظام نہیں ہے۔ اس وجہ سے ہلکی بارش ہونے پر ہی روہتک قومی شاہراہ پر پانی جمع ہونے سے اکثر اوقات جام لگ جاتا ہے۔ دو تین کلو میٹر کا سفر طے کرنے کے لئے لوگوں کو دو سے تین گھنٹے لگ جاتے ہیں۔ انہوں نے بتایا کہ اس معاملے پر کئی بار دھرنے۔ مظاہرے کئے گئے اور متعلقہ افسران نے پختہ کارروائی کی یقین دہانی بھی کرائی۔ لیکن اس پر عمل نہیں کیا گیا، اس وجہ سے لوگوں میں کافی ناراضگی ہے۔
