نئی دہلی (ایس این بی ) :کجریوال سرکارشہرکے مختلف دیہی اور شہری علاقوں میں پانی کی پرانی پائپ لائنوں اور سیوریج لائنوں کو تبدیل کرکے نئی پائپ لائنیں اور سیوریج لائنیں بچھائے گی تاکہ دہلی کے سبھی لوگوں کو پانی کی بہتر فراہمی اور سیوریج کا بہتر نیٹ ورک قائم کیا جاسکے۔ اس سلسلے میں نائب وزیر اعلیٰ منیش سسودیا نے جل بورڈ کے مختلف مقامات پر پائپ لائن اور سیوریج لائن بچھانے کے منصوبوں کو منظوری دی۔ ان تمام پروجیکٹوں کی کل لاگت 16.79 کروڑ روپے ہے۔ ان منصوبوں کی تکمیل کے بعد اس سے منسلک علاقے کی پانی کی فراہمی میں بہتری آئے گی۔اس موقع پر منیش سسودیا نے کہا کہ وزیر اعلیٰ اروند کجریوال کی قیادت میں دہلی سرکارہر شہری کو پانی کی بہتر فراہمی کو یقینی بنانے کے لیے پرعزم ہے۔ ہم اپنی مختلف کوششوں کے ذریعے دہلی میں 24گھنٹہ ساتوں دن پانی کی فراہمی کو یقینی بنانے کی کوشش کر رہے ہیں اور مرحلہ وار اس سمت میں کام کر رہے ہیں۔ ایسے علاقوں میں پائپ لائن کی تبدیلی ایک اہم قدم ہے۔ نائب وزیر اعلیٰ نے افسرروں کو ہدایت دی کہ پائپ لائنوں اور سیوریج لائنوں کی تبدیلی کے پورے عمل کے دوران حفاظتی انتظامات اور معیارات کے عہد کے ساتھ یقینی بنایا جائے اور ان کاموں کو وقت کے ساتھ مکمل کیا جائے تاکہ مقامی لوگوں کو کسی بھی قسم کی پریشانی کا سامنا نہ کریں۔دہلی کے سبھی علاقوں میں پانی کی بلا تعطل سپلائی کو یقینی بنانے کی کڑی میں سرکارنے حسن پور گاؤں، مٹیالا کے کھیڈا ڈبر گاؤں، پنڈوالا خورد گاؤں اور سارنگ پور گاؤں میں پانی کی پرانی لائنوں کو تبدیل کرنے کی منظوری دے دی ہے۔ اس کے علاوہ نانگلی پونا، جھروڈا ہریجن بستی اور براڑی کے کمل وہار میں پانی کی لائنوں کو تبدیل کرکے پانی کی فراہمی کو بہتر بنایا جائے گا۔ اس کے ساتھ ہی لکشمی نگر میں منگل بازار روڈ سے وکاس مارگ ٹرنک سیور تک مین پیریفرل سیور لائن، گنیش نگر-II سے مدھوون چوک تک مین پیریفرل سیوریج لائن، جنوبی گنیش نگر سے گنیش چوک تک مین پیریفرل سیوریج لائن اور آر کے پورم کی شانتی نکیتن سیوریج لائن۔ تبدیل کر دیا جائے گا۔ دہلی سرکار کے ذریعہ پرانی سیوریج لائنوں کو جدید ایچ ڈی ڈی سسٹم سے تبدیل کیا جائے گا۔ اس کے تحت منگل بازار روڈ سے وکاس مارگ ٹرنک سیور اے سی-58 تک مین پیریفرل سیور لائن کو ایچ ڈی ڈی طریقہ سے تبدیل کیا جائے گا۔ اس کے ساتھ ہی گنیش نگر-II سے مدھوون چوک تک مین پیریفرل سیوریج لائن اور جنوبی گنیش نگر سے گنیش چوک تک مین پیریفرل سیوریج لائن کو ایچ ڈی ڈی طریقہ سے تبدیل کیا جائے گا۔ آر کے پورم کی شانتی نکیتن سیوریج لائن کو بھی تبدیل کیا جائے گا۔ سیوریج لائن کی تبدیلی کے دوران اضافی کھدائی کی گئی مٹی پارکوں اور نرسریوں میں ڈمپنگ کے لیے استعمال کی جائے گی۔
نائب وزیر اعلیٰ منیش سسودیا نے بتایا کہ کئی ایسے علاقے ہیں جہاں 25 سے 30 سال پہلے پائپ لائنیں بچھائی گئی تھیں، ایسے میں پائپ لائن پرانی ہونے کی وجہ سے خراب حالت میں تھی۔ انہوں نے کہا کہ پائپ لائنوں کی تبدیلی سے ان علاقوں میں رہنے والوں کو پانی کی کمی نہیں ہوگی اور یہاں پانی کی بلا تعطل فراہمی ہوگی۔
