طوفان امفان سے اڈیشہ، مغربی بنگال میں تباہی کا عالم، کولکتہ ایئرپورٹ کو بھی بھاری نقصان

طوفان امفان نے اڈیشہ اور مغربی بنگال میں تباہی کا عالم پیدا کر دیا ہے۔ چھ گھنٹے چلنے والی تیز ہواؤں اور سیلاب  نے شہر کے ساتھ ساتھ کولکاتہ ہوائی اڈے کو بھی تباہ کر دیا ہے۔ پانی بھر جانے سے ایئرپورٹ میں رن وے و دیگر ڈھانچوں کو کافی نقصان پہنچا ہے۔ 120 کلومیٹر فی گھنٹہ کی رفتار سے چلنے والی ہواؤں کی زد میں آکر کم سے کم 12 افراد ہلاک ہوگئے۔ 
ہوائی اڈے پر تمام کاروائیاں آج صبح 5 بجے تک بند کردی گئیں ہیں۔ صرف کارگو پروازیں ابھی کے لئے کام کر رہی ہیں، جبکہ مسافر پروازیں معطل ہیں۔
امفان طوفان بدھ کی دوپہر ڈھائی بجے کے قریب بنگال سے ٹکرایا، درخت اکھڑ گئے ، بجلی کی لائنوں کو نقصان پہنچا اور کولکتہ اور ریاست کے دیگر حصوں میں متعدد عمارتیں تباہ ہوگئیں۔
مغربی بنگال کی وزیراعلی ممتا بنرجی نے کہا کہ امفان کا اثر کورونا وائرس وبائی سے بھی زیادہ خراب تھا۔ انہوں نے کہا کہ طوفان سے 1 لاکھ کروڑ کا نقصان ہوا ہوسکتا ہے۔
طوفان کے بعد علاقہ تباہ و برباد ہوچکا ہے۔ مواصلاتی نظام بند پڑا ہے ، اگرچہ 5 لاکھ افراد کو نکال لیا گیا تھا۔
یہ طوفان بنیادی طور پر شمالی اور جنوبی 24 پرگناس ، مدنہ پور ، ہوگلی اور کولکتہ سے گزرا۔