نئی دہلی: عالمی ادارہ صحت (ڈبلیو ایچ او) نے کووڈ 19 وبا کو کنٹرول کرنے کے لئے حکومت کی جانب سے اٹھائے جانے والے اقدامات کی ستائش کرتے ہوئے کہا ہے کہ ہندوستان میں ابھی اس وبا کے معاملوں میں کوئی انتہائی دوگنا اضافہ نہیں ہوا ہے، لیکن اس کے ہونے کا خطرہ برقرارہے اور اس لئے احتیاط کی ضرورت ہے۔
ڈبلیو ایچ او کے ہیلتھ ڈیزاسٹر پروگرام کے ایگزیکٹو ڈائریکٹر ڈاکٹر مائیکل جے ریان نے کووڈ ۔19 پر ہونے والی یومیہ پریس کانفرنس میں کہا کہ’’ہندوستان میں تین ہفتوں میں معاملے دوگنا ہو رہے ہیں اور اس طرح اس میں انتہائی اضافہ نہیں ہو رہا ہے ، بلکہ معاملوں میں مسلسل اضافہ ہو رہا ہے‘‘۔ ہندوستان ، بنگلہ دیش ، پاکستان اور جنوبی ایشیاء کے دوسرے گنجان آبادی والے ممالک میں وبائی صورتحال اب بھی دھماکہ خیز نہیں ہے، بلکہ اس کے ہونے کا خطرہ برقرار ہے۔ انہوں نے متنبہ کیا کہ اگر معاشرتی سطح پرکورونا انفیکشن شروع ہوجائے گا تو یہ بہت تیزی سے پھیلے گا۔
ایک سوال کے جواب میں ، انہوں نے کہا کہ ہندوستان کی طرف سے کئے جانے والے اقدامات ملک میں بیماری کے پھیلاؤ کو محدود کرنے میں کارگر ثابت ہوئے ہیں۔ اب جبکہ پابندیوں میں نرمی دی جارہی ہے اور لوگوں کی نقل و حرکت ایک بار پھر شروع ہوگئی ہے تو ، خطرہ ہمیشہ باقی رہتا ہے۔ ملک میں بہت سارے مقامی عوامل ہیں۔بڑی تعداد میں ملک کے اندر بے گھر ہونے کی ایک بڑی تعداد موجود ہے ، شہری ماحول میں گنجان آبادی ہے اور بہت سارے مزدوروں کے پاس روز کام پر جانے کے سوا کوئی چارہ نہیں ہے۔
