اکشے کمار نے پی ایم کیئر فنڈ میں  25 کروڑ روپے عطیہ کیا

ممبئی: بالی ووڈ ایکٹر اکشے کمار نے کرونا وائرس ’کووڈ۔19‘سے نمٹنے کے لئے  بنائے  گئے پی  ایم۔کیئر فنڈ  میں  25 کروڑ روپے عطیہ کیا۔ ملک میں کرونا  وائرس کی وبا تیزی سے پھیل رہی ہے۔ اس درمیان وزیراعظم نریندر مودی نے کرونا  وائرس سے نمٹنے کے لئے پی ایم ۔کیئر فنڈ بنایا ہے۔ انہوں نے ملک کے لوگوں سے اس میں عطیہ کرنے کی اپیل کی۔  مودی  کی اپیل کے بعد اکشے کمار نے 25 کروڑ روپے عطیہ کیا۔ اکشے کمار نے  ٹوئٹ کرکے کہا  ہے کہ ’اس  وقت ہمارے  لوگوں کی زندگی سب سے اہم  ہے۔ ہمیں ہرممکن تعاون کرنا چاہئے۔ مجھے اپنی بچت سے 25 کروڑ روپے پی ایم ۔کیئر فنڈ میں عطیہ کرنے پرخوشی ہے۔ چلوزندگی بچائیں۔ جان ہیں تو جہان ہے۔