سی ایم جگن موہن ریڈی ، پی ایم نریندر مودی ، وزیر داخلہ امیت شاہ نے اس حادثہ پر افسوس کا اظہار کیا

نئی دہلی :اے پی واقعہ جس میں 9افراد کی موت ہوگئی کے سلسلہ میں وزیراعظم نریندر مودی نے وزیراعلی وائی ایس جگن موہن ریڈی کوفون کرتے ہوئے تفصیلات حاصل کیں۔وزیراعلی کے دفتر کی جانب سے جاری کردہ بیان میں یہ بات بتائی گئی۔وزیراعلی نے وزیراعظم کو بتایا کہ پرائیویٹ اسپتال کی اس ہوٹل کو لیز پر دیا گیا تھا۔حکام نے اس واقعہ کے ساتھ ہی فوری طورپر ہوٹل کو خالی کروانے کے اقدامات کئے تاہم افسوس اس بات کا ہے کہ بعض افراد کو نہیں بچایاجاسکا۔انہوں نے کہاکہ صحت کے حکام کو ہدایت دی گئی ہے کہ زخمیوں کا مناسب علاج کیاجائے۔انہوں نے نشاندہی کی کہ مرنے والوں کے خاندانوں کے لئے فی کش 50لاکھ روپئے معاوضہ کا پہلے ہی اعلان کردیاگیا ہے۔اسی دوران مرکزی مملکتی وزیرداخلہ کشن ریڈی نے بھی اس واقعہ پر گہرے دکھ کا اظہار کیا۔انہوں نے اس واقعہ میں مرنے والے افراد کے ارکان خاندان سے تعزیت کا بھی اظہار کیا۔کشن ریڈی نے جھلس جانے والوں کی جلد صحت یابی کے لئے بھی نیک تمناوں کا اظہار کیا۔
وزیر اعظم نریندر مودی نے آندھرا پردیش کے وجئے واڑہ میں ہوٹل میں بنائے گئے ایک کووڈ سینٹر میں اتوار کوآتشزدگی سے جان مال کے نقصان پر اظہار غم کرتے ہوئے  ریاست کے وزیر اعلی  سے حالات کی جانکاری لی اور ہر ممکن مدد کی یقین دہانی کرائی۔
آتشزدگی کے واقعے پر افسوس کا اظہار کرتے ہوئے مودی نے ٹویٹ کیا ’’وجئے واڑہ میں کوڈسینٹر میں لگی آگ سے میں بہت افسردہ ہوں ،اس واقعے میں اپنی جان گنوانے والو ں کے اہل خانہ سے دلی تعزیت کرتا ہوں۔ میری دعا ہے کہ زخمی ہونے والے جلد سے جلد صحتیاب ہوں۔ میں نے وزیر اعلی جگن موہن ریڈی سے حالات کی جانکاری لی ہے اور انہیں ہر ممکن مدد کی یقین دہانی کرائی ہے۔
مرکزی وزیر داخلہ امیت شاہ نے آندھراپردیش کے وجئے واڑہ کے ایک پرائیویٹ اسپتال کوویڈ کیر سینٹر میں آج صبح پیش آئے آگ لگنے کے واقعہ پر اظہار افسوس کیا ہے۔انہوں نے کہاکہ مرکزی حکومت ریاستی حکومت کو تمام ممکنہ تعاون فراہم کرے گی۔انہوں نے کہاکہاس واقعہ میں مرنے والوں کے افراد خاندان کے ساتھ تعزیت کا اظہارکیا اور ساتھ ہی جھلس جانے والوں کی جلد صحت یابی کے لئے نیک تمناوں کا بھی اظہارکیا۔