ممبئی،(ایجنسی):بالی ووڈ اداکارہ شلپا شیٹی کے شوہر راج کندرا کو بالآخر فحش نگاری کے ایک کیس میں ضمانت مل گئی ہے۔ گرفتاری کے تقریبا دو ماہ بعد ممبئی کی ایک عدالت نے راج کو ضمانت پر رہا کرنے کا حکم دیا ہے۔ اسے 50 ہزار روپے جمع کرانے کا حکم دیا گیا ہے۔ ممبئی پولیس نے کوٹ میں اس معاملے میں 1400 صفحات پر مشتمل چارج شیٹ داخل کی تھی۔ راج نے ہفتہ کو بیل پر زور دیتے ہوئے کہا تھا کہ اسے اس کیس میں بلی کا بکرا بنایا گیا ہے اور چارج شیٹ میں اس بات کا کوئی ثبوت نہیں ہے کہ وہ فحش مواد بنانے میں مسلسل ملوث ہیں۔
راج کو اس سال 19 جولائی کو اپنے کچھ ملازمین کے ساتھ گرفتار کیا گیا تھا۔ اس پر الزام ہے کہ اس نے ایک فحش فلم بنائی اور اسے ایک موبائل ایپ پر اسٹریم کیا۔ یہ معاملہ کچھ موبائل ایپس پر فحش کلپس کی تیاری اور تقسیم سے متعلق ہے۔ ممبئی پولیس کا ماننا ہے کہ راج فحش فلموں کی تیاری میں سرگرمی سے ملوث تھے۔ ممبئی کرائم برانچ نے اس کے خلاف مضبوط الیکٹرانک شواہد کا دعویٰ بھی کیا ہے۔ ممبئی پولیس کا کہنا ہے کہ شلپا شیٹی کے شوہر راج کندرا نے گزشتہ سال اگست اور دسمبر کے درمیان پورن فلموں کی تیاری اور ان کی آن لائن ریلیز سے کم از کم 1.25 کروڑ روپے کمائے۔
1400 صفحات کی چارج شیٹ کے مطابق راج کی بیوی شلپا نے پولیس کو بتایا ہے کہ وہ راج کی سرگرمیوں سے واقف نہیں تھی کیونکہ وہ اپنے کام میں مصروف تھی۔ چارج شیٹ کے مطابق شلپا نے کہا کہ میں اپنے کام میں مصروف تھی اور مجھے کوئی اندازہ نہیں تھا کہ راج کندرا کیا کر رہے ہیں۔
