بہرائچ : اترپردیش کے ضلع بہرائچ کے پریاگ پورعلاقہ میں ایک خوفناک سڑک حادثے میں وین سوارچھ زائرین کی موت ہوگئی جب کہ 10 افراد زخمی ہوگئے۔
پولیس ذرائع نے آج یہاں یہ اطلاع دی۔ انہوں نے بتایا کہ عقیدت مند ضلع امبیڈکرنگرکے کچھوچھہ میں زیارت کیلئے گئے تھے۔ انہوں نے بتایا کہ زیارت کے بعد وین سوار اتوار کی شب تقریباً 12 بجے لکھیم پور کیلئے لوٹ رہے تھے۔ انہوں نے بتایا کہ پریاگ پور کے علاقے میں گونڈا بہرائچ شاہراہ پر شیوڈھا موڑ کے قریب ایک تیز رفتار ٹرک نے وین کو ٹکر مار دی،جس سے وہ الٹ گئی۔ اس حادثے میں چھ افراد نے موقع پر ہی دم توڑ دیا،جب کہ دس افراد زخمی ہوگئے۔ تمام زخمیوں کو بہرائچ میڈیکل کالج میں داخل کرایا گیا ہے،جس میں کچھ کی حالت تشویشناک بتائی جارہی ہے۔انہوں نے بتایا کہ مرنے والوں کی شناخت کی جا رہی ہے۔
سوشل میڈیا پر ہمارے ساتھ جڑنے کے لیے یہاں کلک کریں۔
Click 👉 https://bit.ly/followRRS
