یریوان: (یو این آئی/ اسپوٹنک) آرمینیا میں اپوزیشن نے فیصلہ کیا ہے کہ وہ 25 اپریل سے غیر معینہ مدت کی ہڑتال پر بیٹھ کر موجودہ حکومت کے استعفیٰ اور ناگورنو کاراباخ جمہوریہ پر پالیسی میں تبدیلی کا مطالبہ کرے گی۔ یہ اطلاع آرمینیا کی پارلیمنٹ کے ڈپٹی اسپیکر اشخان سگتیلیان نے جمعہ کو دی۔ سیگٹیلیان نے سوشل میڈیا پر جاری ایک ویڈیو پیغام میں کہاکہ “ہم اپنی ٹیم، اپنے تمام وسائل اور ہزاروں حامیوں کے ساتھ ملک دشمن حکام کے استعفے کے لیے لڑنے کے لیے سڑک پر نکل رہے ہیں۔” 25 اپریل سے ہم میں پورے آرمینیا میں مسلسل احتجاج شروع کریں گے۔‘‘ انہوں نے کہا کہ حکومت کی پالیسیاں آرمینیا اور غیر تسلیم شدہ ناگورنو کاراباخ جمہوریہ دونوں کے لیے تباہ کن ہیں۔ انہیں اندیشہ ہے کہ وزیر اعظم نکول پشینیان کی حکومت مزید رعایتیں دے کر مملکت آرمینیا کو خطرے میں ڈال سکتی ہے۔
انہوں نے کہاکہ “یہ اقتدار کی جدوجہد نہیں ہے، یہ آرمینیا کے کالاخ (نگورنو کاراباخ کے لیے آرمینیائی عرفی نام) کے لیے جدوجہد ہے… ایک ملک گیر جدوجہد جسے ملک گیر مزاحمت میں تبدیل ہونا چاہیے۔‘‘
انہوں نے کہا کہ 25 اپریل کو اپوزیشن آرمینیا میں “چار علامتی مقامات” سے دارالحکومت یریوان تک مارچ کرنے کا ارادہ رکھتی ہے، جہاں روزانہ احتجاج غیر معینہ مدت تک جاری رہے گا۔ واضح رہے کہ آئی ہیو آنر دھڑے کے آرٹر وینتسیان اتوار سے یریوان کے مرکزی چوک میں ایک مظاہرے کی رہنمائی کر رہے ہیں۔ فریڈم اسکوائر پر بھی 2020 نگورنو کاراباخ لڑائی کے بہت سے سابق فوجی بھوک ہڑتال پر ہیں۔
