الٰہ آباد ہائی کورٹ سے یو پی کانگریس صدر اجے کمار للو کو ملی ضمانت

اتر پردیش کانگریس کے صدر اجے کمار للو کو آج الٰہ آباد ہائی کورٹ سے ضمانت مل گئی ہے۔

الہ آباد ہائی کورٹ کے لکھنؤ بنچ نے منگل کو اس معاملے کی سماعت کرتے ہوئے یہ فیصلہ دیا۔ للو کو آگرہ میں لاک ڈاؤن کے دوران احتجاج کرنے پر گرفتار کیا گیا تھا۔ در حقیقت ، کانگریس کی جنرل سکریٹری پریانکا گاندھی واڈرا نے لاک ڈاون کے دوران گھروں کو لوٹ رہے مہاجر مزدوروں کے لئے ایک ہزار بسیں بھیجی تھیں۔ کانگریس کی ایک ہزار بسوں کی فہرست میں حکومت نے الٹ پھیر بتا کر انہیں لینے سے انکار کردیا تھا۔
اس پر للو کمار نے احتجاج کیا۔ اجے کمار للو کو گزشتہ مہینے لاک ڈاون کے دوران احتجاج کرنے پر گرفتار کیا گیا ۔