ممبئی: بالی وڈ اداکارہ عالیہ بھٹ نے کورونا وارئیرس کا حوصلہ بلند کرتے ہوئے انہیں سرپرائز گفٹ بھیجا ہے۔عالمی وبا کووڈ متاثرین کی زندگی بچانے کے لئے کورونا وارئیرس اپنی جان لگارہے ہیں۔ ان کے دن رات کام کرنے اور لوگوں کو اس بیماری سے بچانے کے جذبہ کو دیکھ کر عالیہ نے انوکھے انداز میں ان کا حوصلہ بڑھایا ہے۔ انہوں نے کورونا وارئیرس کو اپنی جانب سے ایک سرپرائز گفٹ بھیجا ہے ۔اس گفٹ کے ساتھ ایک خاص پیغام بھی موجود ہے۔
ممبئی کے ایک اسپتال میں کام کرنے والے ایک ڈاکٹر نے عالیہ کے ’سرپرائز اور تھینک یو نوٹ‘کو سوشل میڈیا پر شیئر کیا ہے۔ ڈاکٹر شری پد گنگاپورکر نے اپنے
ٹوئیٹر پر ایک تصویر شیئر کرتے ہوئے عالیہ کو اپنی جانب سے شکریہ کہا ہے۔ شری پد نے جو تصویر شیئر کی ہے اس میں گفٹ ہمپر میں چاکلیٹ بار، سوئٹ بن،
ڈرنک کے ساتھ سنیکس دکھائی دے رہا ہے۔ اس کے ساتھ ایک پیپر پر’تھینک یو‘نوٹ بھی لکھا ہوا ہے۔ باکس میں چپکے نوٹ پر عالیہ نے پیغام بھیجا ہے کہ ’’تھینک
یو، آپ جو کچھ بھی کررہے ہیں لوگوں کو بازیاب اور محفوظ رکھنے کے لئے۔ آپ حقیقی ہیرو ہیں‘‘۔ڈاکٹر شری پد نے عالیہ بھٹ کے اس حوصلہ افزا سرپرائز کے بدلے اپنی جانب سے بھی ایک پیغام دیتے ہوئے لکھا ہے کہ ’’شکریہ عالیہ بھٹ اس سوئٹ سرپرائز کے لئے کورونا وائرس وباکے خطرناک وقت کے دوران آپ کا یہ تحفہ بہت خاص ہے‘‘۔
