نئی دہلی (ایجنسی) : ایئر انڈیا کو لے کر بڑی خبر آ رہی ہے۔ سرکاری کمپنی ٹاٹا ایئر انڈیا خریدنے جا رہی ہے۔ نیوز ایجنسی بلوم برگ کی رپورٹ کے مطابق پینل نے ٹاٹا گروپ کا انتخاب کیا ہے۔ رپورٹ میں کہا گیا ہے کہ وزراء کے ایک گروپ نے ٹاٹا گروپ کی تجویز پر اتفاق کیا ہے۔ حکومت آنے والے دنوں میں اس کا اعلان جلد کر سکتی ہے۔ اطلاعات کے مطابق شہری ہوا بازی کی وزارت، ڈپارٹمنٹ آف اینویسٹ مینٹ اینڈ پبلک ایسیٹ مینجمنٹ اور ڈائریکٹوریٹ جنرل آُف سیول ایویشن کے حکام نے ٹاٹا گروپ کے نمائندوں اور اسپائس جیٹ کے چیئرمین اجے سنگھ سے ملاقات کی۔ بلوم برگ نے مطابق ٹاٹا سنس نے بولی جیتی ہے۔ جے آر ڈی ٹاٹا نے 1932 میں ٹاٹا ایئر لائنز کی بنیاد رکھی تھی۔
حکومت کا مقصد ایئر انڈیا کا سودا دسمبر 2021 تک مکمل کرنا ہے۔ حکومت ڈس انویسٹمنٹ کے ہدف کو پورا کرنے کے لیے اس ڈیل کو جلد از جلد مکمل کرنا چاہتی ہے۔ اس کے ساتھ اس مالی سال میں، حکومت ایل آئی سی میں اپنا حصہ بھی بیچ سکتی ہے۔
حکومت ایئر انڈیا کو کیوں بیچ رہی ہے؟
اس کی کہانی 2007 سے شروع ہوتی ہے۔ 2007 میں حکومت نے ایئر انڈیا اور انڈین ایئر لائنز کو ضم کر دیا۔ انضمام کے پیچھے حکومت نے ایندھن کی بڑھتی ہوئی قیمتوں، نجی ایئرلائن کمپنیوں سے مقابلہ کی وجہ بتائی تھی۔ اگرچہ ایئر انڈیا سال 2000 سے 2006 تک منافع کما رہی تھی،لیکن انضمام کے بعد پریشانی بڑھ گئی۔ کمپنی پر قرض بڑھتا چلا گیا۔ 31 مارچ 2019 تک کمپنی پر 60 ہزار کروڑ سے زیادہ کا قرض تھا۔ مالی سال 2020-21 کے لیے اندازہ لگایا گیا تھا کہ ایئر لائن کو 9 ہزار کروڑ کا نقصان ہو سکتا ہے۔
برسوں سے چلنے والی کمپنی کو بیچنے کی کوشش
اس سے قبل 2018 میں بھی حکومت نے ایئر انڈیا کی ڈس انویسٹمنٹ کی تیاری کی تھی۔اس وقت حکومت نے ایئر انڈیا میں اپنا 76 فیصد حصہ فروخت کرنے کا فیصلہ کیا تھا۔ اس کے لیے کمپنیوں سے ایکسپریشن آف انٹرسٹ (EOI) طلب کیا گیا،جمع کرانے کی آخری تاریخ 31 مارچ 2018 تھی، لیکن مقررہ تاریخ تک ایک بھی کمپنی نے حکومت کے ساتھ EOI جمع نہیں کرایا تھا۔ اس کے بعد یہ عمل جنوری 2020 میں نئے سرے سے شروع کیا گیا۔ اس بار 76 فیصد کے بجائے 100 فیصد حصہ داری فروخت کرنے کا فیصلہ کیا گیا۔ کمپنیوں سے کہا گیا تھا کہ وہ 17 مارچ 2020 تک اظہار رائے پیش کریں لیکن کورونا کی وجہ سے ہوا بازی کی صنعت بری طرح متاثر ہوئی۔ جس کی وجہ سے کئی بار تاریخ کو آگے بڑھایا گیا اور آخری تاریخ 15 ستمبر 2021 مقرر کی گئی۔
ایئر انڈیا کا آغاز 1932 میں ٹاٹا قائم کیا تھا
ایئر انڈیا کو ٹاٹا گروپ نے 1932 میں شروع کیا تھا۔ ٹاٹا گروپ کے جے آر ڈی ٹاٹا اس کے بانی تھے۔ وہ خود پائلٹ تھے۔ پھر اسے ٹاٹا ایئر سروس کا نام دیا گیا۔ 1938 تک کمپنی نے اپنی گھریلو پروازیں شروع کردی تھیں۔ دوسری جنگ عظیم کے بعد اسے ایک سرکاری کمپنی بنا دیا گیا۔ آزادی کے بعد، حکومت نے اس میں 49 فیصد حصہ خریدای۔
