ممبئی (ایجنسیاں): سلمان خان کے بعد شاہ رخ خان کو بھی قتل کی دھمکیاں ملنے لگیں۔ میڈیا رپورٹس کے مطابق ممبئی میں شاہ رخ خان کے پروڈکشن ہاؤس کو دھمکی آمیز کال موصول ہوئی، جس میں انہیں مار نے کی دھمکی دی گئی۔
رپورٹس کے مطابق فون کال جس نمبر سے آئی وہ چھتیس گڑھ کے علاقے رائے پور میں فیضان کے نام سے رجسٹرڈ ہے، کنگ خان کی ٹیم نے اس حوالے سے ممبئی پولیس کو شکایت درج کرادی ہے۔
واضح رہے کہ اس سے قبل بالی وڈ کے سُپر اسٹار سلمان خان کو بھی لارنس بشنوئی گینگ کی جانب سے ایک بار پھر قتل کی دھمکی موصول ہوئی تھی۔
میڈیا رپورٹس کے مطابق ممبئی پولیس کو سلمان خان کے خلاف دھمکی آمیز پیغام موصول ہوا جس میں اداکار کو دو آپشن دیے گئے کہ وہ معافی مانگیں یا پھر زندہ رہنے کیلیے 5 کروڑ روپے ادا کریں۔
ممبئی پولیس کے ٹریفک کنٹرول روم کو گینگسٹر لارنس بشنوئی کے نام سے واٹس ایپ پر دھمکی آمیز پیغام موصول ہوا جس میں کہا گیا کہ اگر سلمان خان زندہ رہنا چاہتے ہیں تو وہ ہمارے مندر جا کر معافی مانگیں یا 5 کروڑ روپے دیں، اگر اس نے ایسا نہیں کیا تو ہم اسے مار ڈالیں گے، ہمارا گینگ ابھی تک سرگرم ہے۔
دعویٰ کیا جا رہا ہے کہ مذکورہ دھمکی آمیز پیغام لارنس بشنوئی کے بھائی کی جانب سے بھیجا گیا ہے تاہم پولیس نے کہا کہ اس بارے میں تحقیقات کر رہے ہیں۔
حکام کا کہنا تھا کہ پولیس دھمکی آمیز پیغام موصول ہونے کے بعد مقدمہ درج کر کے فون نمبر کو ٹریس کرنے کی کوشش کر رہی ہے۔
सलमान के बाद शाहरुख… धमकी और साजिश!
मुंबई के बांद्रा थाने में कॉल… मारने की धमकी!ज्यादा जानकारी दे रहे हैं आजतक संवाददाता @divyeshas#SalmanKhan #ShahRukhKhan #ATVideo #SRK @ashutoshjourno pic.twitter.com/2aYZzGPVHs
— AajTak (@aajtak) November 7, 2024
