نئی دہلی:فلم انڈسٹری سے مسلسل بری خبریں آرہی ہیں۔ایکٹرس دیویا چوکسی کی موت دیویا گذشتہ ڈیڑھ سال سے کینسر سے جنگ لڑ رہی تھی،وہ اپنی لڑائی ہار گئی اور اتوار کو ان کی موت ہوگئی۔ دیویا چوکسی 28 سال کی تھی۔دیویاچوکسی نے اپنے انسٹاگرام پوسٹ اپنی آخری کہانی پوسٹ کی۔ یہ پوسٹ ان کے انتقال سے قبل لکھا تھا کہ وہ ڈیتھ بیڈ پر ہیں۔ایکٹرس کی موت کی خبر ان کی کزن نے اپنی فیس بک پوسٹ پر پوسٹ کی۔
دیویا کے لئے ان کی کزن سومیا نے فیس بک پر لکھا، "مجھے بڑے دکھ کے ساتھ کہنا پڑا ہے کہ میری کزن دیویا چوکسی آج کینسر کی وجہ سے انتہائی کم عمری میں انتقال کر گئیں۔ لندن سے ہی ایکٹنگ کا کورس کیا تھا،ایکٹرس کے ساتھ ساتھ وہ ایک ماڈل بھی تھیں،انہوں نے بہت سی فلموں اور سیریلز میں بھی کام کیا، دویا نے گانے میں بھی اپنا نام روشن کیا اور آج وہ ہمیں چھوڑکرچلی گئی،ایشور ان کی روح کو سکون دے۔ "
ایکٹرس دیویا چوکسی کی پہلی فلم 'اپنا دل تو آوارا' سال 2016 میں ریلیز ہوئی تھی۔ ہدایتکارمنجوئے مکھرجی کے مطابق ایکٹرس نے اپنے آبائی شہربھوپال میں آخری سانس لی۔ مکھرجی نے بتایا، 'وہ تقریبا ڈیڑھ سال سے کینسر سے لڑ رہی تھیں۔ وہ صحت یاب ہوگئی تھیں،لیکن کچھ مہینوں کے بعد،کینسر پھر سے ابھرآیا۔ اس بار وہ صحت یاب نہیں ہوسکیں۔ آج صبح بھوپال میں ان کا انتقال ہوگیا۔ "
