نوئیڈا:عالمی سہارا اردو نیوز چینل کی 9ویں سالگرہ کے موقع پر ایڈیٹر ان چیف اور سی ای او جناب اپیندر رائے ،سینئررکن گوتم سرکار،روزنامہ راشٹریہ سہارا و عالمی سہارا کے گروپ ایڈیٹراور سربراہ ڈاکٹر جسیم محمد اورانچارج لئیق رضوی ودیگر کی موجودگی میں کیک کاٹا گیا
سہارا انڈیاکمپلیکس سیکٹر11نوئیڈا میں عالمی سہارا اردو نیوز چینل کی 9ویں سالگرہ منائی گئی۔ اس موقع پر سہارا نیوز نیٹ ورک کے ایڈیٹر ان چیف اور سی ای او جناب ا±پیندر رائے نے سہارا اردو میڈیا کے گروپ ایڈیٹر جناب جسیم محمد کے ساتھ مل کر کیک کاٹا۔ اس موقع پر سہارا نیوز نیٹ ورک کے دیگر سینئر ارکان کی موجودگی میں جناب ا±پیندر رائے نے کہا کہ 27دسمبر 2010 کو عالمی سہارا اردو نیوز چینل کی شروعات سہارا انڈیا پریوار کے سرپرست اعلیٰ سہارا شری جناب سبرت رائے سہارا کے ایک حسین خواب کی تعبیر تھی۔ جناب ا±پیندر رائے نے مزید کہا کہ آج عالمی سہارا کی 9ویں سالگرہ مناتے ہوئے ہمیں اس بات کی خوشی ہے کہ یہ چینل جذبہَ حب الوطنی کے ساتھ ملک و قوم کی تعمیر و ترقی میں اپنا کردار بخوبی ادا کر رہا ہے۔ انہوں نے مزید کہا کہ سہارا انڈیا پریوار سیکولرزم اور مذہبی ہم آہنگی سے مربوط گنگا جمنی تہذیب کا علم بردار ہے اور یہی ہندوستان کے مضبوط نظریہَ قومیت کی بنیاد ہے۔ انہوں نے کہا کہ گنگا جمنی تہذیب کے فروغ میں سہارا انڈیا پریوار جو خدمات انجام دے رہا ہے، وہ بے مثال ہیں۔ انہوں نے عالمی سہارا کی پوری ٹیم اور تمام ناظرین کو مبارکباد پیش کی اور اس امید کا بھی اظہار کیا کہ جس طرح عالمی سہارا نے اب تک اپنے ناظرین کا اعتماد جیتا ہے، مستقبل میں مزید تیز رفتار سے اپنے مقاصد کی طرف رواں دواں رہے گا اور کامیابی کی نئی منزلیں اس کی گردِ راہ بنیں گی۔ اس موقع پر سہارا نیوز نیٹ ورک کے سینئر ارکان جناب گوتم سرکار، جناب سی بی سنگھ، جناب راجیو کھٹر، جناب رمیش اوستھی، رائو ویریندر سنگھ اور دیگر سینئر ارکان عالمی سہارا کی ٹیم کی حوصلہ افزائی کے لیے موجود رہے ۔
