پیر کومکمل سورج گہن،ہندوستان سورج گہن نظر نہیں آئے گا

   حیدرآباد:پیر کو مکمل سورج گہن ہوگا جو 2020کا آخری گہن ہوگا تاہم یہ سورج گہن ہندوستان میں نظر نہیں آئے اگا۔ بی ایم برلا سائنس سنٹر کے ڈائرکٹر ڈاکٹر بی جی سدھارتھ نے ہفتہ کو ایک پریس ریلیز میں یہ بات بتائی۔ یہ سورج گہن چلی اور ارجنٹینا میں اُسی دوپہر کو نظر آئے گا۔ انہوں نے کہاکہ جنوبی امریکہ،جنوب۔مغرب افریقہ اور انتارتیکا میں یہ سورج گہن جزوی ہوگا جب کہ جنوبی امریکہ میں مکمل سورج گہن ہوگا تاہم اس کا انحصار موسم پر ہوگا۔ بولیویا،برازیل،ایکواڈور، پیرو اور اروگوائے میں یہ جزوی سورج گہن ہوگا۔ انہوں نے کہا کہ ہندوستانی معیار وقت کے مطابق یہ گہن 14دسمبر کو  19:03:55 بجے ہوگا اور اس کا اختتام15دسمبر کو 00:23:03  بجے ہوگا۔