مانچسٹر(یو این آئی) : وکٹ کیپر رشبھ پنت (ناٹ آؤٹ 125) کی پہلی سنچری اور ہاردک پانڈیا کی چار وکٹ (24 رن اور 71 رن) کی مدد سے ہندوستان نے اتوار کے روز تیسرے اور فیصلہ کن ون ڈے میں انگلینڈ کو پانچ وکٹوں سے شکست دے کر3 میچوں کی سیریز 2-1 سے اپنے نام کر لی۔ہندوستان نے انگلینڈ کو 45.5 اوور میں 259 رن پر آؤٹ کر دیا اور 42.1 اوور میں پانچ وکٹ پر 261 رن بنا کر یکطرفہ انداز میں میچ جیت لیا۔ اسپائیڈرمین پنت کی اسپیشل سنچری کی بدولت ہندوستان نے انگلینڈ کو ون ڈے سیریز میں 2-1 سے شکست دی۔
پہلے بلے بازی کے لیے بھیجے جانے پر عمدہ اسکور بنانے کے بعد، ریس ٹوپلے نے ہندوستان کے ٹاپ آرڈر کو پویلین بھیج کر مہمان ٹیم کو پریشانی میں ڈال دیا تھا۔ اگرچہ اس کے بعد سوریہ کمار یادو اور رشبھ پنت نے اننگز کو سنبھالا، لیکن پنت اور ہاردک پانڈیا کی سنچری پارٹنرشپ نے اس میچ کی کہانی ہی پلٹ دی۔ گیند کے ساتھ چار وکٹ لینے کے بعد، ہاردک نے 55 گیندوں پر 71 رنز بنائے لیکن ان کے جانے کے بعد بھی پنت نے اپنی وار جاری رکھی اور ون ڈے کرکٹ میں اپنی پہلی سنچری مکمل کی۔ اس کے بعد، ڈیوڈ ولی پر بہت زیادہ حملے کرتے ہوئے ، انہوں نے لگاتار پانچ چوکے لگائے اور میچ ہندوستان کے جھولی میں ڈال دیا۔
