نئی دہلی (یو این آئی) کانگریس پارٹی نے آج تغلق روڈ پولیس اسٹیشن کے کانگریس ہیڈکوارٹر میں پولیس کی کارروائی کے خلاف سرکاری شکایت درج کرائی ہے ۔ یہ تحریری شکایت پارٹی رہنماؤں کے ایک وفد نے درج کرائی ہے ۔ وفد میں اویناش پانڈے ، ہریش چودھری، پرنائے جھا اور چلہ وامشی ریڈی شامل تھے ۔ انہوں نے ایڈیشنل کمشنر پولیس اور ایس ایچ او سے ملاقات کی۔ ایک بیان میں، کانگریس نے کہا کہ انہوں نے ایک تفصیلی تحریری شکایت پیش کی ہے جس میں دہلی پولیس کے اہلکاروں کے ڈھٹائی اور غیر قانونی اقدامات کو اجاگر کیا گیا ہے جس میں 24 اکبر روڈ پر کانگریس کارکنوں کے خلاف کارروائی کرنے اور بغیر اشتعال انگیزی کے داخل ہونے کی کارروائی کی گئی ہے ۔ کانگریس نے کہا کہ ہمیں امید ہے کہ دہلی پولیس قانون کی حکمرانی اور ہمارے آئین کو شرمندہ کرنے والے مجرموں کے خلاف فوری اور مناسب کارروائی کرے گی۔ کانگریس لیڈروں نے بدھ کو پارٹی دفتر میں گھسنے پر دہلی پولیس کی سخت مذمت کی۔ احتجاج کرنے والے پارٹی کارکنوں کا پیچھا کرتے ہوئے کچھ پولیس اہلکار بھی دفتر میں گھس گئے ۔ جس کے نتیجے میں ہاتھا پائی ہوئی۔ پولیس کارکنوں کو گھسیٹ کر لے گئی اور کچھ کارکنوں کو حراست میں لے لیا۔ جس کی وجہ سے ناراضگی کا ماحول تھا۔پولیس نے گیٹ کے پاس کھڑے لوک سبھا میں کانگریس کے لیڈر ادھیر رنجن چودھری کو بھی زدوکوب کیا۔ چھتیس گڑھ کے وزیر اعلی بھوپیش بگھیل، اجے ماکن، کے سی وینوگوپال، گورو گوگوئی سمیت کئی سینئر کانگریس لیڈروں نے گیٹ پر بیٹھ کر احتجاج کیا اور نعرے لگائے ۔ پولیس کی کارروائی کے خلاف کانگریس جمعرات کو ملک بھر کے گورنر ہاؤس کے باہر دھرنا دے گی اور جمعہ کو ہر ضلع ہیڈکوارٹر پر احتجاج کرے گی۔
