جرمنی اب روس سے گیس درآمدنہیں کرے گا

برلن(یو این آئی/ اسپوتنک) : جرمن چانسلر اولاف شولز نے جمعرات کو کہا کہ جرمنی نے روس سے ہونے والی گیس کی درآمدات کو دوسرے ممالک میں تبدیل کر دیا ہے ، حالانکہ کچھ ایندھن ابھی بھی روس سے ہی خریدا جا رہا ہے ۔مسٹر شولز نے زیڈ ڈی ایف براڈکاسٹر کو بتایا،‘ہم نے دوسرے ممالک سے گیس خریدنے کی تیاری کی ہے ، ہم ایسا کرتے آئے ہیں اور کرتے رہیں گے ’۔ ساتھ ہی انہوں نے یہ بھی کہا کہ جرمنی اب بھی روس سے گیس، تیل اور کوئلہ خرید رہا ہے ۔چانسلر نے کہا کہ نارڈ اسٹریم 2 گیس پائپ لائن کو ملتوی کرنے کا فیصلہ درست وقت پر کیا گیا تھا۔