احمد آباد ،(یواین آئی) کولکاتا نائٹ رائیڈرز (کے کے آر) اور نمبر پانچ کی ٹیم پنجاب کنگز (پی کے ) ٹورنامنٹ میں بنے رہنے کے لئے یہاں پیر کوشاندار نریندر مودی کرکٹ اسٹیڈیم میں ہونے والا آئی پی ایل 14کا 21 واں مقابلہ ہر حال میں جتینا چاہیں گے ۔یہاں سے اگرچہ کے کے آر کا امکان تھوڑا کم ہے ، کیونکہ وہ ابھی بھی دو پوائنٹس کے ساتھ میچ کے سب سے نچلے پائیدان پر ہے اور اس میچ کو ہارنے کے بعد پلے آف میں پہنچنا ان کے لئے بہت مشکل ہوگا۔ دوسری طرف اگر پنجاب ہار جاتا ہے تو وہ پوائنٹس کے مقابلہ میں کولکاتا کے برابر ہوگا اور کم مارجن سے شکست کی صورت میں اس کا نیٹ رن ریٹ بھی کولکاتا سے بہتر ہوگا۔ جب کہ آخری میچ میں پنجاب آئی پی ایل کی سب سے کامیاب ٹیم ممبئی انڈینز کو شکست دے کر آرہا ہے ، کولکاتاجدوجہد کرنے والی ٹیم راجستھان سے ہار کر آرہا ہے ۔ اگرچہ کھلاڑی نریندر مودی اسٹیڈیم میں کھیلنے کے لئے پرجوش ہوں گے لیکن سابقہ کارکردگی بھی ان کے ذہن میں رہے گی۔ کپتان لوکیش راہل، مینک اگروال ، دیپک ہڈا کی فارم کی وجہ سے پنجاب اب بھی بیٹنگ میں عمدہ کارکردگی کا مظاہرہ کررہا تھا ، لیکن آخری میچ میں ان کے باؤلرز کی زبردست واپسی ان کے لئے اچھی علامت ہے ۔ روی بشنوئی کی آمد کے ساتھ ہی ٹیم اب وکٹوں پر اسپین پر انحصار کرسکتی ہے ۔ بشنوئی نے اپنے پہلے ہی میچ میں دو قیمتی وکٹیں حاصل کرکے یہ ثابت کیا۔ گیل بھی اپنی پرانی فارم میں واپس آئے ہیں جو ٹیم کے لئے مثبت ہیں۔ راہل مسلسل کپتان کی حیثیت سے اچھی کارکردگی کا مظاہرہ کر رہے ہیں۔ نہ صرف پنجاب سے بلکہ پورے ٹورنامنٹ میں وہ دوسرے بلے باز ہیں جس نے سب سے زیادہ رن بنائے ہیں۔انہوں نے پانچ میچوں میں 133.13 کے اسٹرائک ریٹ کے ساتھ 221 رن بنائے ہیں۔اس کے ساتھ ہی کولکتہ کے لئے کوئی بھی بلے باز موثر کارکردگی کا مظاہرہ نہیں کر سکا ہے ۔ ابتدائی دو میچوں میں بالترتیب 80 اور 57 رن کی عمدہ اننگز کھیلنے والے اوپنر نتیش رانا پچھلے تینوں میچوں میں بھی پھیکے دکھے ہیں۔ اسی کے ساتھ ہی شوبھمن گل نے بھی اچھی شروعات کی ہے لیکن وہ بھی اب تک لمبی اننگز نہیں کھیل سکے ہیں۔ ایون مورگن کا بیٹ پرسکون ہے ۔ وکٹ کیپر دنیش کارتک ، آندرے رسل اور پیٹ کمنس بیٹ کے ساتھ اچھے دکھ رہے ہیں ، لیکن وہ بھی اب تک ٹیم کے لئے کوئی میچ نہیں جیت سکے ہیں۔ لیکن اب کولکاتا کے سامنے کرو یا مرو کے حالات ہیں۔ اگر اسے پلے آف تک پہنچنا ہے تو یہ میچ کسی بھی حالت میں جیتنا ہوگا۔ کسی حد تک پنجاب کے لئے بھی وہی صورتحال ہے ۔ ایسی صورتحال میں نریندر مودی اسٹیڈیم میں یہ میچ دلچسپ ہوگا۔
